2050 jyly Qazaqstan shól dalaǵa aınalady

4328
Adyrna.kz Telegram

Qazaq ulttyq pedagogıkalyq ýnıversıtetiniń professory, bıologııa ǵylymdarynyń doktory Kelis Jaılybaı 40-50 jyldan keıin qazaq jeri shól dalaǵa aınalady, al eldiń basym bóligi qurǵaqshylyqta bolady dep esepteıdi. Ǵalym  ekologııalyq apattyń aldyn alý úshin birqatar sharalar qabyldaý qajet ekenin aıtty, dep habarlaıdy «Adyrna» tilshisi zakon.kz-ke silteme jasap.

«Qurǵaqshylyqtyń aldyn alýdyń jáne onyń jaǵymsyz saldaryn azaıtýdyń eki qarapaıym ádisi bar. Birinshiden, kómirdiń jáne janý ónimderiniń mólsherin azaıtý kerek. Sondaı-aq atmosferadaǵy kómirqyshqyl gazynyń tepe-teńdigin saqtaý úshin balama energııany kóbirek paıdalaný qajet. Ekinshiden, Qazaqstanda emen, arsha, akaııa, tıýja, úıeńki, kashtan, djıda, qaraǵaı, terektiń kóp mólsherde egý kerek. Bul ósimdikter fotosıntezdiń qýatty kózi bolyp tabylady jáne uzaq ómir súredi, – deıdi ol.

Ǵalym qorshaǵan ortany saqtaý úshin jastardy ekologııalyq patrıotızm salasynda tárbıeleýdiń mańyzyn aıtyp, adamdardy jappaı aǵash otyrǵyzýǵa tartý qajet ekenin alǵa tartty. Ásirese, bul iske aýyl oqýshylary men aýyldyq jerlerde turatyn halyqty jumyldyrý qajet.

«Ár oqýshy, jas maman jáne jergilikti turǵyn kem degende 5 nemese 10 aǵash otyrǵyzsa, jylyna 12 mıllıonǵa jýyq aǵash kóshetteri ósip shyǵady. Eger bul proess 45-50 jyl boıy jalǵasatyn bolsa, elde kóptegen aǵashtar paıda bolady. Bizdiń ata – babalarymyz «Eger aldaǵy bir jyl týraly oılasańyz, egin ósirińiz, al eger aldaǵy 100 jyl týraly oılasańyz, aǵash ósirińiz» dep tekke aıtpady»,–deıdi ǵalym.

«Adyrna» ulttyq portaly

Pikirler