قيسىنى جوق قيسىندى دۇنيە!
كارىم ءماسىموۆتىڭ ۇلى ۇستاز احمەت بايتۇرسىنۇلى جايىنداعى جازعان "ۇستاز تاعدىرى" دەگەن كىتابى وسىدان 10 جىل بۇرىن جازىلعان دەپ جاتىر.
ءماسىموۆ نەگە ۇلى ۇستاز جايىندا كىتاپ جازىپ قالدى دەگەننەن بۇرىن، ءماسىموۆتىڭ كىتابىندا نكۆد جايىنداعى دەرەكتەر مەن الاش قايراتكەرلەرىنىڭ ءومىرىنىڭ وزگەشە پاراقتارى دا اشىلۋى مۇمكىن. ماڭىزدى تۇسى دا وسى بولىپ تۇر.
ءماسىموۆ ۇقك باسقارىپ وتىر، ونىڭ ارحيۆتەرىندە تاريحشىلارعا دا بەيمالىم دەرەكتەر شىعۋى مۇمكىن. ءماسىموۆ وسى كىتاپتى جازىپ شىققان بولسا، وندا نكۆد دەرەكتەرى بولماۋى مۇمكىن ەمەس. بۇل كىتاپتىڭ ساياسي دا، تاريحي دا استارى بولادى. وعان كۇمانىم جوق. سەبەبى، ءماسىموۆ كوركەم ادەبيەت سالاسىنىڭ ادامى ەمەس، ساياساتتىڭ ادامى.
ءبىر قىزىعى، وسى كىتاپتىڭ جازىلعانىن ەشبىر تاريح عالىمدارى بىلمەيدى ەكەن. وسى جاعىندا دا ءبىر گاپ بار. گاپ بولعاندا وتە تەرەڭ گاپ بار بۇل جەردە. سوندىقتان بۇل كىتاپتى تەزىرەك قولعا ءتۇسىرىپ، قاراپ شىعۋ كەرەك بولىپ تۇر.
كىتاپتىڭ جازىلۋىنىڭ قازىرگى ەلدەگى ساياساتقا دا قاتىسى بار. ايتپەسە، ماسىموۆكە ۇلى ۇستازدىڭ شىرعالاڭ ءومىر جولدارى نە ءۇشىن كەرەك بولىپ قالدى ەكەن دەگەن وي سانادان سىعالاپ تۇرادى. سوندىقتان دا بۇل كىتاپتى وقۋ كەرەك.
بەكبولات قارجان،
"ادىرنا" ۇلتتىق پورتالى
