جاقىندا سوتتالعان بۇرىنعى ۇقك توراعاسى كارىم ءماسىموۆ پەن كاسىپكەر قايرات بورانباەۆ سوت ۇكىمى جاريالانعاننان كەيىن ءالى تەرگەۋ يزولياتورىندا وتىر. بۇل تۋرالى ىشكى ىستەر مينيسترلىگى قىلمىستىق-اتقارۋ جۇيەسى كوميتەتى توراعاسىنىڭ ورىنباسارى مەيرام ايۋباەۆ ولاردىڭ ايتتى، دەپ حابارلايدى “ادىرنا” ۇلتتىق پورتالى.
بورانباەۆ ءالى تەرگەۋ يزولياتورىندا. ءماسىموۆ ۇقك-ءنىڭ تەرگەۋ يزولياتورىندا. ازىرگە ول قىلمىستىق-اتقارۋ جۇيەسىنىڭ مەكەمەسىنە كەلگەن جوق، – دەيدى قىلمىستىق-اتقارۋ جۇيەسى كوميتەتى توراعاسىنىڭ ورىنباسارى مەيرام ايۋباەۆ.
مەيرام ايۋباەۆتىڭ ايتۋىنشا، ۇقك-ءنىڭ بۇرىنعى باسشىسى كارىم ءماسىموۆ پەن ونىڭ بۇرىنعى ورىنباسارلارى ىشكى ىستەر، ارنايى ورگاندار، قۇقىق قورعاۋ جانە سوت ورگاندارىنىڭ بۇرىنعى قىزمەتكەرلەرىنە ارنالعان قىلمىستىق-اتقارۋ جۇيەسىنىڭ ەكى مەكەمەسىنىڭ بىرىندە جازاسىن وتەيتىن بولادى.
قازاقستاندا بارلىعى مۇنداي ەكى مەكەمە بار: بىرەۋى (ورتاشا قاۋىپسىزدىك) – وسكەمەندە، ەكىنشىسى (ەڭ جوعارى قاۋىپسىزدىك) – سەمەيدە.
ۇقساس جاڭالىقتار
