اتىراۋ وبلىسىندا كاسپي جاعالاۋىنداعى قامىس ءورتىن ءسوندىرۋ جالعاسىپ جاتىر، دەپ حابارلايدى قازاقپارات.
وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە، 20 مامىردا قامىس ءورتىن ءcوندىرۋ ءۇشىن اتىراۋداعى ءورت ءسوندىرۋ بولىمدەرىنەن 13 قىزمەتكەر مەن اتس-6-40, ترەكول، شەرپ، اسا-20 ماركالى ارنايى تەحنيكالار جۇمىلدىرىلعان.
«قازاۆياقۇتقارۋ» اق مي-8 تىكۇشاعىمەن اۋەدەن بارلاۋ جۇرگىزۋ كەزىندە شامامەن 10,6 گەكتار اۋماقتا 6 ءورت وشاعى انىقتالدى. تىكۇشاقتاعى «ۆسۋ-5» قۇرىلعىسىمەن اۋەدەن سۋ شاشىلىپ، جىبەرۋ ارقىلى 4 ءورت وشاعى ءسوندىرىلدى» دەپ حابارلادى دەپارتامەنتتىڭ ءباسپاسوز قىزمەتىنەن.
دەپارتامەنتتە ءورتتى سوندىرۋگە بايلانىستى ءىس-قيمىلدى ۇيلەستىرۋ ءۇشىن جەدەل شتاب قۇرىلعان. جاعالاۋداعى قامىس ءورتىن ءسوندىرۋ جالعاسىپ جاتىر.
ەسكە سالا كەتەلىك، بۇعان دەيىن اتىراۋدا كاسپي جاعالاۋىنداعى قامىس ورتەنگەنىن حابارلاعان بولاتىنبىز.
