«قايراتتىڭ» جەڭىسىنەن كەيىنگى سىيلىقتار جۇرت تالقىسىنا ءتۇستى

الماتىلىق «قايراتتىڭ» باس باپكەرى رافاەل ۋرازباحتين جاڭا Hyundai Palisade اۆتوكولىگىنىڭ كىلتىن الدى، دەپ حابارلايدى "ادىرنا" ۇلتتىق پورتالى.

ال سپورتشى تەمىرلان اناربەكوۆكە Apple MacBook سىيلاعان.

ترەنەرگە سىيلانعان كولىكتىڭ باستاپقى باعاسى 33,8 ملن تەڭگەدەن باستالادى. ونى Astana Motors كومپانياسىنىڭ نەگىزىن قالاۋشى نۇرلان سماعۇلوۆ قازاقستاندىق كلۋبتىڭ چەمپيوندار ليگاسىنىڭ توپتىق كەزەڭىنە شىققانى قۇرمەتىنە تابىستادى.

ء«بىز «قايراتتىڭ» ەۋروپانى تاڭقالدىراتىنىنا سەنەمىز. الدا الماتىدا وتەتىن ايگىلى مادريدتىك «رەالمەن» ويىن بار. بۇل – الەمدىك دەڭگەيدەگى وقيعا، ءبىز سىزدەرگە جانكۇيەر بولامىز»، – دەدى سماعۇلوۆ.

«سەلتيككە» قارسى ماتچتىڭ جۇلدىزى اتانعان قاقپاشى تەمىرلان اناربەكوۆ تە نازاردان تىس قالعان جوق. نۇرلان سماعۇلوۆ وعان Apple MacBook سىيلاپ، قولىن قىسا وتىرىپ:

«جاس فۋتبولشىنىڭ بولاشاعى الدا»، – دەدى.

الايدا جەلى قولدانۋشىلارى سپورتشىعا پلانشەت تابىستالعانىنا نارازىلىق ءبىلدىردى. "تەمىرلانعا كولىك مىنگىزۋ كەرەك ەدى", "كامپيتپەن الداعانداي بولىپتى", "ويىندا نەگىزگى ادام - قاقپاشى، كولىكتى تەمىرلانعا بەرۋ كەرەك ەدى" دەگەن سىندى ءتۇرلى پىكىر جازۋدا.

ەسكە سالا كەتەيىك، «قايرات» ءوز الاڭىندا مادريدتىك «رەالمەن»، بەلگيالىق «بريۋگگەمەن»، گرەكتىڭ «وليمپياكوسىمەن» جانە كيپرلىك «پافوسپەن» كەزدەسەدى.