ءازىربايجان قورعانىس مينيسترلىگى 20 قىركۇيەكتە (ماسكەۋ ۋاقىتىمەن) ساعات 12:00-دەن باستاپ قاراباقتاعى اسكەري وپەراتسيالاردى توقتاتاتىنىن حابارلادى، دەپ جازادى "ادىرنا".
«قاراباقتا انتيتەررورلىق شارالاردى توقتاتۋ تۋرالى كەلىسىمگە قول جەتكىزىلدى»، - دەلىنگەن ۆەدومستۆونىڭ حابارلاماسىندا.
دەگەنمەن، قاراباق تاراپىنىڭ ايتۋىنشا، اتقىلاۋ جالعاسۋدا.
«ارتساح بيلىگى بىتىمگەرشىلىك كۇشتەردىڭ ازىربايجانمەن اتىستى توقتاتۋ تۋرالى ۇسىنىسىن قابىلداعانىن جاريالادى. بۇل قازىر توقتاۋى كەرەك ەدى، بىراق بىرنەشە مينۋت بۇرىن ستەپاناكەرت ماڭىندا ارتيللەريالىق اتىستى ەستىدىك»، - دەيدى تاۋلى قاراباقتاعى بۇرىنعى ومبۋدسمەن ارتاك بەگلاريان.
«وكىنىشكە وراي، ارتساح جاعىندا قازا تاپقاندار مەن جارالانعاندار بار. كەيبىر اۋدانداردا جاۋ قورعانىس ارمياسىنىڭ جاۋىنگەرلىك پوزيتسيالارىن بۇزىپ ءوتىپ، بىرقاتار بيىكتىكتەر مەن ستراتەگيالىق جول توراپتارىن باقىلاۋعا الدى. قازىرگى جاعدايدا حالىقارالىق قوعامداستىقتىڭ سوعىستى توقتاتۋعا جانە جاعدايدى رەتتەۋگە باعىتتالعان ارەكەتتەرى جەتكىلىكسىز. وسىنىڭ ءبارىن ەسكەرە وتىرىپ، ارتساح رەسپۋبليكاسىنىڭ بيلىگى رەسەي بىتىمگەرشىلىك ميسسياسى قولباسشىلىعىنىڭ اتىستى توقتاتۋ تۋرالى ۇسىنىسىن قابىلدايدى»، - دەلىنگەن قاراباق اقپاراتتىق شتابىنىڭ حابارلاماسىندا.
قارۋسىزدانۋ جانە ارمەنيا كۇشتەرىن تاۋلى قاراباقتان شىعارۋ رەسەيلىك بىتىمگەرشىلىك كۇشتەرىمەن كەلىسە وتىرىپ قامتاماسىز ەتىلەدى.
21 قىركۇيەكتە ەۆلاحتا تاۋلى قاراباقتاعى ارميان حالقىنىڭ وكىلدەرىمەن «رەينتەگراتسيا ماسەلەلەرىن تالقىلاۋ ءۇشىن» كەزدەسۋ وتەدى»، - دەپ حابارلادى ءازىربايجان پرەزيدەنتى يلحام اليەۆ اكىمشىلىگى.
ۇقساس جاڭالىقتار
