ەلوردادا ۆاكتسينا تۋرالى اشىق اسپان استىنداعى تەاتر قويىلىمى بولدى

2638
Adyrna.kz Telegram

نۇر-سۇلتان قالاسىندا كوروناۆيرۋس ىندەتىمەن كۇرەستە كارانتين تالاپتارىن ساقتاۋ مەن ۆاكتسينا الۋدىڭ ماڭىزدىلىعىن ناسيحاتتاعان اشىق اسپان استى قويىلىمى ءوتتى، دەپ حابارلايدى قازاقپارات ءتىلشىسى.

«استانا ميۋزيكل» تەاترىنىڭ ارتىستەرى ۇسىنعان كورسەتىلىمدە «COVID-19» ىندەتىنىڭ الدىن الۋ جانە ونىمەن كۇرەستە ءتيىستى تالاپتاردىڭ ساقتالۋ كەرەكتىگى ناسيحاتتالدى. دالادا وتكەن حورەوگرافيالىق قويىلىمدى ەلوردا جۇرتشىلىعى تەگىن تاماشالاي الدى. جانە وعان 15-تەن استام ادام قاتىستى.

«الەم بولىپ كۇرەسىپ جاتقان كوروناۆيرۋس دەرتىنىڭ ادامزات ومىرىنە الىپ كەلگەن وزگەرىسى بارشامىزعا ايتپاي-اق تۇسىنىكتى. ۆيرۋستىڭ تاراۋ سالدارىنان قانشاما ادام ومىردەن وزدى. اۋرۋدان قورعانۋ ماقساتىندا بۇرىن بولماعان كاراتيندىك شەكتەۋلەر ەنگىزىلدى، سونداي-اق، ۆاكتسينا الۋدا ماڭىزدى بولىپ وتىر. «COVID-19» قويىلىمىن وتكەن جىلدىڭ تامىز ايىندا قولعا الىپ، بيىل اقپان ايىندا تەاترىمىزدا العاش رەت كوپشىلىككە ۇسىندىق. قويىلىمنىڭ ءمان-مازمۇنى مەن تاريحى تىكەلەي ومىردەن الىنعان جانە بۇل ءبىزدىڭ ۇجىمنىڭ دەبيۋتتىق شىعارىلىمى. بۇگىنگى قاتىسۋشىلار ارتىستەر عانا ەمەس، سونىمەن قاتار وسى قويىلىمنىڭ اۆتورلارى بولىپ سانالادى.تاعى ءبىر ايتىپ وتەتىن جايت بۇگىن ءبىز قويىلىمنىڭ ءۇزىندىسىن (15-20 مينۋت) عانا ۇسىنىپ وتىرمىز، ال تولىقتاي كورەرمەن تەاترىمىزدان كەلىپ كورە الادى» - دەدى «استانا ميۋزيكل» تەاترىنىڭ كوركەمدىك جەتەكشىسى ەسلام نۇرتازين.

ونىڭ ايتۋىنشا، قويىلىمنىڭ كوزدەگەن ماقساتى – ايتۋلى اۋرۋدان اۋلاق بولۋ جولىندا حالىقتىڭ نازارىن اۋدارۋ.

الەۋمەتتىك ماڭىزعا يە شىعارماشىلىق قويىلىمنىڭ تولىق نۇسقاسىن استانالىقتاردىڭ 21-22 مامىر كۇندەرى «Qazagstan» ورتالىق كونتسەرت زالىندا تاشالاۋ مۇمكىندىگى بار.

پىكىرلەر