Elordada vakına týraly ashyq aspan astyndaǵy teatr qoıylymy boldy

2640
Adyrna.kz Telegram

Nur-Sultan qalasynda koronavırýs indetimen kúreste karantın talaptaryn saqtaý men vakına alýdyń mańyzdylyǵyn nasıhattaǵan ashyq aspan asty qoıylymy ótti, dep habarlaıdy QazAqparat tilshisi.

«Astana mıýzıkl» teatrynyń ártisteri usynǵan kórsetilimde «COVID-19» indetiniń aldyn alý jáne onymen kúreste tıisti talaptardyń saqtalý kerektigi nasıhattaldy. Dalada ótken horeografııalyq qoıylymdy elorda jurtshylyǵy tegin tamashalaı aldy. Jáne oǵan 15-ten astam adam qatysty.

«Álem bolyp kúresip jatqan koronavırýs dertiniń adamzat ómirine alyp kelgen ózgerisi barshamyzǵa aıtpaı-aq túsinikti. Vırýstyń taraý saldarynan qanshama adam ómirden ozdy. Aýrýdan qorǵaný maqsatynda buryn bolmaǵan karatındik shekteýler engizildi, sondaı-aq, vakına alýda mańyzdy bolyp otyr. «COVID-19» qoıylymyn ótken jyldyń tamyz aıynda qolǵa alyp, bıyl aqpan aıynda teatrymyzda alǵash ret kópshilikke usyndyq. Qoıylymnyń mán-mazmuny men tarıhy tikeleı ómirden alynǵan jáne bul bizdiń ujymnyń debıýttyq shyǵarylymy. Búgingi qatysýshylar ártister ǵana emes, sonymen qatar osy qoıylymnyń avtorlary bolyp sanalady.Taǵy bir aıtyp ótetin jaıt búgin biz qoıylymnyń úzindisin (15-20 mınýt) ǵana usynyp otyrmyz, al tolyqtaı kórermen teatrymyzdan kelip kóre alady» - dedi «Astana mıýzıkl» teatrynyń kórkemdik jetekshisi Eslám Nurtazın.

Onyń aıtýynsha, qoıylymnyń kózdegen maqsaty – aıtýly aýrýdan aýlaq bolý jolynda halyqtyń nazaryn aýdarý.

Áleýmettik mańyzǵa ıe shyǵarmashylyq qoıylymnyń tolyq nusqasyn astanalyqtardyń 21-22 mamyr kúnderi «Qazagstan» ortalyq konert zalynda tashalaý múmkindigi bar.

Pikirler