حابارلاما جىبەرۋ مۇمكىن بولمايدى: WhatsApر جاڭا ەرەجە ۇسىندى

3793
Adyrna.kz Telegram

جاڭا قۇپيالىلىق ساياساتىن قابىلداۋعا كەلىسپەگەن WhatsApp قولدانۋشىلارىنا قاتىستى شارالار كۇشىنە ەندى. 15 مامىردان باستاپ مەسسەندجەر تالاپتارىنا كەلىسپەيتىن قولدانۋشىلاردان كەلەتىن قوڭىراۋلار مەن حابارلامالارعا تىيىم سالۋعا ۋادە بەردى، دەپ حابارلايدى "ادىرنا" ۇلتتىق پورتالى ربك-عا سىلتەمە جاساپ.

مەسسەندجەر كومپانياسى مۇنداي شەكتەۋ شارالارىن 12 مامىردا باستايتىنىن حابارلاعان بولاتىن. ءبىرىنشى كەزەڭدە قۇپيالىلىق ساياساتىمەن كەلىسپەيتىن پايدالانۋشىلار چاتتار مەن قوڭىراۋلاردان شەكتەلۋى مۇمكىن. ولار قىزمەت فۋنكتسيالارىن تەك كىرىس قوڭىراۋلار مەن حابارلامالارعا جاۋاپ بەرۋ ارقىلى قولدانا الادى.

ەكىنشى كەزەڭدە پايدالانۋشىلاردىڭ قوڭىراۋ شالۋ جانە حابارلاما جىبەرۋ، سونداي-اق حابارلامالار الۋ مۇمكىندىگى تولىعىمەن جابىلادى.

كومپانيا شەكتەۋلەر بىرنەشە اپتانىڭ ىشىندە بىرتىندەپ ەنگىزىلەتىنىن اتاپ ءوتتى. سونىمەن قاتار، ءار قولدانۋشى ءۇشىن ءار كەزەڭنىڭ ۋاقىتى جەكە بولادى.

قاڭتاردا WhatsApp جاڭا قۇپيالىلىق ساياساتىنا سايكەس مەسسەندجەر قولدانۋشىلارىنىڭ جەكە دەرەكتەرى Facebook قوسىمشالارىنىڭ بارلىعىنا قول جەتىمدى بولاتىنىن مالىمدەدى. قىزمەت باسشىلىعى جاڭا قۇپيالىلىق ساياساتىنىڭ كۇشىنە ەنەتىن كۇنىن 15 مامىردا جاريالادى.

ال ناۋرىزدا قولدانۋشىلارعا جاڭا ەرەجەلەرمەن كەلىسپەيتىندەر قىزمەتتىڭ فۋنكتسيونالدىعىن شەكتەيتىنى تۋرالى ەسكەرتىلدى.

قازىردىڭ وزىندە قاڭتاردان باستاپ WhatsApp قولدانۋشىلارى مەسسەندجەردەن جاپپاي شىعا باستادى، ولار Signal مەن Telegram قوسىمشالارىن قولدانا باستادى. 

"ادىرنا" ۇلتتىق پورتالى

پىكىرلەر