Jańa qupııalylyq saıasatyn qabyldaýǵa kelispegen WhatsApp qoldanýshylaryna qatysty sharalar kúshine endi. 15 mamyrdan bastap messendjer talaptaryna kelispeıtin qoldanýshylardan keletin qońyraýlar men habarlamalarǵa tyıym salýǵa ýáde berdi, dep habarlaıdy "Adyrna" ulttyq portaly RBK-ǵa silteme jasap.
Messendjer kompanııasy mundaı shekteý sharalaryn 12 mamyrda bastaıtynyn habarlaǵan bolatyn. Birinshi kezeńde qupııalylyq saıasatymen kelispeıtin paıdalanýshylar chattar men qońyraýlardan shektelýi múmkin. Olar qyzmet fýnkııalaryn tek kiris qońyraýlar men habarlamalarǵa jaýap berý arqyly qoldana alady.
Ekinshi kezeńde paıdalanýshylardyń qońyraý shalý jáne habarlama jiberý, sondaı-aq habarlamalar alý múmkindigi tolyǵymen jabylady.
Kompanııa shekteýler birneshe aptanyń ishinde birtindep engiziletinin atap ótti. Sonymen qatar, ár qoldanýshy úshin ár kezeńniń ýaqyty jeke bolady.
Qańtarda WhatsApp jańa qupııalylyq saıasatyna sáıkes messendjer qoldanýshylarynyń jeke derekteri Facebook qosymshalarynyń barlyǵyna qol jetimdi bolatynyn málimdedi. Qyzmet basshylyǵy jańa qupııalylyq saıasatynyń kúshine enetin kúnin 15 mamyrda jarııalady.
Al naýryzda qoldanýshylarǵa jańa erejelermen kelispeıtinder qyzmettiń fýnkıonaldyǵyn shekteıtini týraly eskertildi.
Qazirdiń ózinde qańtardan bastap WhatsApp qoldanýshylary messendjerden jappaı shyǵa bastady, olar Signal men Telegram qosymshalaryn qoldana bastady.
"Adyrna" ulttyq portaly
