2021 جىلعى 14 مامىردا KAZPATENT عيماراتىندا ادىلەت ءمينيسترى مارات بەكەتاەۆ قازاقستان رەسپۋبليكاسىندا تىركەلگەن ەلشىلىك كورپۋس وكىلدەرىمەن بريفينگ وتكىزدى.
مارات بەكەتاەۆ قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ باستاماسىمەن ەلىمىزدە ادىلەت مينيسترلىگى جۇرگىزىپ جاتقان قۇقىقتىق رەفورمالار تۋرالى ايتتى.
ۆەدومستۆو باسشىسى ءىس-شاراعا قاتىسۋشىلارعا جاڭا اكىمشىلىك راسىمدىك-پروتسەستىك كودەكستى تانىستىردى، نورماشىعارماشىلىق قىزمەتتى جەتىلدىرۋ، زاڭگەرلىك كاسىپتى رەتتەۋ تۋرالى ايتىپ، ەلشىلىك كورپۋس وكىلدەرىنىڭ سۇراقتارىنا جاۋاپ بەردى.
ءىس-شاراعا قاتىسۋشىلار كەزدەسۋ وتكىزىلگەن KAZPATENT ساراپتاما ۇيىمىنىڭ جۇمىسىمەن تانىستى.
شەت مەملەكەتتەردىڭ ەلشىلەرى قازاقستانداعى ادىلەت جۇيەسى مەن پاتەنتتىك قىزمەتتىڭ وزەكتى دامۋى تۋرالى تولىق اقپارات الۋعا مۇمكىندىك بەرگەنى ءۇشىن ريزاشىلىقتارىن ءبىلدىردى.
كەزدەسۋ سىندارلى جانە ىسكەرلىك جاعدايدا ءوتتى.
اتالعان ءىس-شارا مەملەكەت باسشىسىنىڭ باستاماسىمەن قازاقستانداعى ەلشىلىك كورپۋس وكىلدەرى ءۇشىن ولاردى ەلىمىزدەگى ساياسي جانە الەۋمەتتىك-ەكونوميكالىق رەفورمالاردى ىسكە اسىرۋ بارىسىمەن تانىستىرۋ ماقساتىندا مەملەكەتتىك ورگاندار جوسپارلاعان بريفينگتەر سەرياسىنىڭ العاشقىسى بولعاندىعىن اتاپ وتەمىز.
