بۇگىننەن باستاپ ۋنيۆەرسيتەتكە كەلۋشىلەر ۆيرۋس جۇقتىرۋ ستاتۋسىنا بايلانىستى قىزىل، سارى، كوك جانە جاسىل تۇستەرگە «ءبولىنىپ»، QR-كود ارقىلى كىرگىزىلۋدە. COVID-19-عا پتر-تەست تاپسىرىپ، ناتيجەسى وڭ بولعان ازاماتتار («قىزىل ستاتۋس»), سونداي-اق ۆيرۋس جۇقتىرعاندارمەن بايلانىستا بولعاندار («سارى ستاتۋس») ۋنيۆەرسيتەتكە كىرە المايدى. بۇل تۋرالى م.س. نارىكباەۆ اتىنداعى كاZGUU ۋنيۆەرسيتەتىنىڭ پروۆوستى (رەكتور) سەرگەي پەن ايتتى.
«شەكتەۋلەرمەن ءومىر ءسۇرىپ جاتقانىمىزعا ءبىر جىلدان استى. «Ashyq» ءموبيلدى قوسىمشاسىن نەگىزسىز سىناپ جاتقاندارمەن كەلىسپەيمىن. ءبىز ستۋدەنتتەرىمىزدىڭ، وقىتۋشىلارىمىزدىڭ جانە قىزمەتكەرلەرىمىزدىڭ دەنساۋلىعى ءۇشىن جاۋاپكەرشىلىكتى سەزىنگەندىكتەن «Ashyq» جوباسىن قولداپ وتىرمىز. سانيتاريالىق-ەپيدەميولوگيالىق باقىلاۋ دەپارتامەنتى كەلۋشىلەردىڭ ستاتۋسى تۋرالى ناقتى اقپاراتتى قوسىمشاعا جۇكتەپ وتىر. وسىلايشا قاۋىپتى بارىنشا ازايتۋعا مۇمكىندىگىمىز بار»،- دەيدى ۋنيۆەرسيتەت باسشىلىعى.
كاZGUU ۋنيۆەرسيتەتى - «Ashyq» جوباسىن قولداعان ەلىمىزدەگى العاشقى جوعارى وقۋ ورنى.
كاZGUU ۋنيۆەرسيتەتىنىڭ ءباسپاسوز قىزمەتى
