قىرعىزستان مينيسترلەر كابينەتى توراعاسىنىڭ ورىنباسارى بۇۇ جارعىسىن قۇرمەتتەۋدى ەسكە سالدى، دەپ حابارلايدى "ادىرنا" ۇلتتىق پورتالى TRT World-قا سىلتەپ.
قىرعىزستان ۋكرايناداعى قاقتىعىستا ەشبىر تاراپتى تاڭدامايدى. ەلدىڭ مينيسترلەر كابينەتى توراعاسىنىڭ ورىنباسارى ەدىل بايسالوۆ وسىلاي مالىمدەدى.
شەنەۋنىكتىڭ ايتۋىنشا، قىرعىزستان العاشقى كۇننەن-اق دەەسكالاتسيا، اتىستى توقتاتۋ جانە بەيبىت كەلىسسوزدەر جۇرگىزۋگە شاقىردى. وسىلايشا، بۇۇ جارعىسىنا قۇرمەت كورسەتەتىنىن بايقاتتى.
«رەسەيمەن دە، ۋكراينامەن دە تىعىز قارىم-قاتىناستا بولعاندىقتان، ءبىز قاقتىعىسقا تاپ بولدىق. مۇندا (قىرعىزستاندا) ەكى ەلدىڭ ەلەۋلى قاۋىمدارى تۇرادى. بىراق ءبىزدىڭ باسىمدىلىعىمىز – ىشكى پروگرەسس. حالىقارالىق دەڭگەيدە ءبىز بارلىق سەرىكتەستەرمەن ءىس جۇزىندەگى قارىم-قاتىناستاردى ساقتايمىز، بۇۇ مەن وڭىرلىك ورگانداردىڭ جۇمىسىنا بەلسەندى تۇردە قاتىسىپ، كەز كەلگەن سىرتقى قىسىمعا قارسى تۇرامىز. بىراق ءبىز ەكى تاراپتى دا تاڭدامايمىز. ءبىز ءوزىمىزدىڭ ۇلتتىق دامۋىمىزدى ەشنارسەدەن جوعارى قويمايمىز»، - دەدى بايسالوۆ.
سونداي-اق، ساياساتكەرگە قىرعىزستان رەسەي ىقپالىنان ازات پا دەگەن سۇراق تا جولداندى.
«رەسەي ءبىزدىڭ نەگىزگى ساۋدا سەرىكتەستەرىمىزدىڭ ءبىرى ەكەنى ءسوزسىز. ايتا كەتۋ كەرەك، ءبىز قازىردىڭ وزىندە ءىس جۇزىندە سانكتسيالار جاعدايىندا ءومىر ءسۇرىپ جاتىرمىز. بىراق ءبىز تاباندى بولامىز. قىرعىزستان گەوساياسي ويىندارعا قاتىسپايتىنىن ايتتى»، - دەپ قوستى ەدىل بايسالوۆ.
ەسكە سالايىق، بۇعان دەيىن پارلامەنتتە دەپۋتات ىسحاق ماساليەۆ ۋكراينامەن قاقتىعىستا رەسەيدى قولداۋدى ۇسىنعان بولاتىن. سەبەبى، قىرعىز رەسپۋبليكاسى دا، رەسەي فەدەراتسياسى دا ۇقشۇ-دا وداقتاس بولىپ تابىلادى. سونىمەن قاتار قىرعىز حالقىنىڭ كوپ بولىگى رەسەيدە جۇمىس ىستەپ، سول ەلدە تۇرادى.
