Randstad Employer Brand Research زەرتتەۋى الەمنىڭ 34 ەلىندە جۇرگىزىلەدى جانە ەڭ تارتىمدى سالالار مەن جۇمىس بەرۋشىلەردى انىقتايدى. «تەڭىزشەۆرويل» ەكىنشى جىل قاتارىنان قازاقستانداعى ەڭ تارتىمدى جۇمىس بەرۋشى بولىپ تانىلدى. تشو-دان باسقا، مۇناي-گاز سالاسىنداعى 3 ۇزدىك كومپانيالاردىڭ قاتارىنا قازمۇناي گاز جانە «قاراشىعاناق پەتروليۋم وپەرەيتينگ» كومپانيالارى ەندى.
«بۇل ماراپات ءبىزدىڭ برەندتىڭ جوعارى باسەكەلى ەڭبەك نارىعىنداعى تارتىمدىلىعىن مويىنداۋ بولىپ تابىلادى. ءبىز ينۆەستيتسيانى قىزمەتكەرلەرىمىزدى دامىتۋعا، قاۋىپسىز جۇمىس ورتاسىن قۇرۋعا جانە سالاۋاتتى كورپوراتيۆتى مادەنيەتتى ساقتاۋعا سالامىز، ويتكەنى تشو قىزمەتكەرلەرى كومپانيامىزدىڭ العا قويعان ماقساتتارىنا جەتۋدە كومەكتەسەتىن ەڭ قۇندى كاپيتال جانە قوزعاۋشى كۇش»، - دەدى كامشات بايجانوۆا، ارب باس مەنەدجەرى.
Randstad جۇمىس بەرۋشى برەندىنىڭ ساۋالناماسى - بۇل مىڭداعان كومپانيالاردىڭ ىشىندەگى ەڭ تارتىمدى جۇمىس بەرۋشىلەردى انىقتايتىن الەمدەگى ەڭ جان-جاقتى، تاۋەلسىز جانە تەرەڭ زەرتتەيتىن جۇمىس بەرۋشىلەرگە ارنالعان ساۋالناما. ىرىكتەمە 18-دەن 65 جاسقا دەيىنگى ەڭبەككە قابىلەتتى حالىقتىڭ پىكىرىن كورسەتەدى. زەرتتەۋگە سايكەس، جاقسى جۇمىس بەرۋشىنىڭ ماڭىزدى ولشەمشارتتارى اراسىندا جاۋاپ بەرۋشىلەر كەلەسىلەردى اتاپ ءوتتى: جاقسى جالاقى - 79%، قارجىلىق تۇراقتىلىق - 72%، مانساپتىق ءوسۋ - 67%، جاعىمدى جۇمىس اتموسفەراسى جانە قىزىقتى جۇمىس - 61%.
«COVID-19 پاندەمياسى كەزىندە قاۋىپسىز جۇمىس ورتاسىن قۇرۋ بارلىق توپتار ءۇشىن جۇمىس بەرۋشىلەردى تاڭداۋداعى ەڭ ماڭىزسىز ولشەمشارت بولىپ شىقتى (32%), بىراق بۇل ەرلەرگە قاراعاندا ايەلدەردى كوبىرەك الاڭداتادى. مانساپتىڭ ءوسۋى ايەلدەر ءۇشىن، 25-34 جاس ارالىعىنداعى ادامدار ءۇشىن، سونداي-اق جوعارى ءبىلىمى بار ادامدار ءۇشىن ماڭىزدى ولشەمشارت بولىپ تابىلادى»، - دەدى ۆالەريا پەترۋنينا، ANCOR ورتالىق ازيانىڭ باس ديرەكتورى.
2020 جىلدىڭ سوڭىندا تشو-نىڭ نەگىزگى وندىرىسىندەگى شتاتتىق قىزمەتكەرلەردىڭ ۇلەسى 92% قۇرادى، ال تشو-نىڭ نەگىزگى وندىرىسىندەگى قازاقستاندىق مەنەدجەرلەردىڭ ۇلەسى جالپى باسشىلار توبىنىڭ 85% قۇرادى. كومپانيا ۇجىمداعى ەڭبەك جانە وندىرىستىك قاتىناستاردى رەتتەۋ، جالپى ەڭبەكاقى تولەۋدىڭ ءتيىمدى جۇيەسىن قۇرۋ، قىزمەتكەرلەردى دامىتۋعا مۇمكىندىكتەر بەرۋ جانە ولاردىڭ الەۋەتىن اشۋعا كومەكتەسەتىن وقىتۋ، دامىتۋ باعدارلامالارى ارقىلى قىزمەتكەرلەردى الەۋمەتتىك قورعانىشپەن قامتاماسىز ەتەدى; سونىمەن قاتار ءار ءتۇرلى تاعىلىمدامالار، كادرلىق رەزەرۆتى جوسپارلاۋ، الەۋمەتتىك باعدارلامالاردىڭ كەڭەيتىلگەن پاكەتى، كورپوراتيۆتى مادەنيەتتى ساقتاۋعا باعىتتالعان جەڭىلدىكتەر مەن باستامالار، كومپانيانىڭ قۇندىلىقتارى مەن ستراتەگياسىنا قىزمەتكەرلەردىڭ ادالدىعىن ۇسىنادى.
***
«تەڭىزشەۆرويل» جشس تۋرالى
«تەڭىزشەۆرويل» جشس – شيكى مۇناي، گاز جانە كۇكىرت وندىرۋمەن جانە وتكىزۋمەن اينالىساتىن قازاقستاندىق كومپانيا. جۇمىستاردىڭ بارلىعى قاۋىپسىزدىك تەحنيكاسى مەن قورشاعان ورتانى قورعاۋ بويىنشا حالىقارالىق تالاپتارعا ساي جۇرگىزىلۋدە. «تەڭىزشەۆرويل» جشس 1993 جىلى قازاقستان رەسپۋبليكاسى مەن «شەۆرون» كومپانياسى اراسىنداعى كەلىسىم نەگىزىندە قۇرىلدى. «تەڭىزشەۆرويل» جشس-ءنىڭ قازىرگى كەزدەگى سەرىكتەستەرى: «شەۆرون» كورپوراتسياسى – 50%، «قازمۇنايگاز» ۇك» اق – 20%، «ەكسونموبيل كازاحستان ۆەنچۋرس ينك.» – 25% جانە «لۋكاركو» – 5%.
كەلەشەك كەڭەيۋ جوباسى (ككج) مەن ۇڭعىما ەرنەۋىندەگى قىسىمدى باسقارۋ جوباسى (ۇەقبج) – «تەڭىزشەۆرويل» جشس ءبىر مەزگىلدە جۇزەگە اسىراتىن بىرىكتىرىلگەن ەكى جوبا. ككج-ۇەقبج تەڭىز كەن ورنىنداعى مۇناي ءوندىرۋ كولەمىن ارتتىرۋعا مۇمكىندىك بەرەدى. ككج ءوندىرىس قۋاتتىلىعىن ارتتىرۋعا باعىتتالسا، ۇەقبج ۇڭعىما ەرنەۋىندەگى قىسىمدى ازايتۋ جانە قولدانىستاعى التى كەشەندى تەحنولوگيالىق جەلىدەگى قىسىمدى ارتتىرۋ ارقىلى تەڭىزدەگى اعىمداعى زاۋىتتاردىڭ تولىققاندى جۇمىسىن قامتاماسىز ەتەدى.
***
Randstad Employer Brand Research تۋرالى
Randstad Employer Brand Research - بۇل جۇمىس بەرۋشىلەردىڭ برەندىن زەرتتەۋگە ارنالعان حالىقارالىق ساۋالناما. جىلىنا ءبىر رەت، الەمنىڭ 34 ەلىندە، Randstad تاپسىرىسىمەن Kantar تاۋەلسىز زەرتتەۋ كومپانياسى كوپتەگەن ەڭبەككە قابىلەتتى حالىق اراسىندا ساۋالناما جۇرگىزەدى. ءار ەل بويىنشا جۇمىس بەرۋشىنى تاڭداۋدىڭ نەگىزگى ولشەمشارتتار رەيتينگى، جۇمىس ءۇشىن سالالاردىڭ تارتىمدىلىق رەيتينگى جانە جۇمىسشىلار سانى بويىنشا رەسپۋبليكاداعى ەڭ ءىرى جۇمىس بەرۋشىلەردىڭ تارتىمدىلىق رەيتينگى جاسالادى.
2013 جىلدان باستاپ ANCOR رەسەيدە Randstad ستراتەگيالىق سەرىكتەسى رەتىندە زەرتتەۋلەر ۇيىمداستىراتىن بولادى. ءسىزدى جىل سايىنعى Randstad Employer Brand Research ءىس-شاراسىن تىكەلەي ەفيردەن كورۋگە شاقىرامىز.
