ايەلىن ءولتىردى دەگەن كۇدىكپەن 58 جاستاعى سقو تۇرعىنى ۇستالدى

3115
Adyrna.kz Telegram

سقو-دا ايەلىن ءولتىردى دەگەن كۇدىكپەن 58 جاستاعى اۋىل تۇرعىنى ۇستالدى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.

«10 مامىر كۇنى ساعات 17.15-تە تيميريازەۆ اۋدانىنىڭ پوليتسيا بولىمىنە اۋدان ورتالىعى تيميريازەۆوداعى ۇيلەردىڭ بىرىنەن اتىلعان وقتىڭ داۋىسى ەستىلگەنى تۋرالى قوڭىراۋ ءتۇستى. پوليتسەيلەر وقيعا ورنىنا كەلگەننەن كەيىن ءۇيدىڭ اۋلاسىندا 1962 جىلى تۋعان ايەلدىڭ مۇردەسىن انىقتادى، سونداي-اق ۇيدە اتىس جاراقاتىمەن 2007 جىلى تۋعان قىز بولعان. قىز بالا تيميريازەۆ اۋداندىق اۋرۋحاناسىنا جەتكىزىلدى»،–دەلىنگەن حابارلامادا.

1962 جىلى تۋعان ءۇيدىڭ يەسى الكوگولدىك ماساڭ كۇيدە ايەلىمەن جانجال كەزىندە «يج» ماركالى قارۋدان اتقانى، ناتيجەسىندە ايەل سول جەردە كوز جۇمعانى بەلگىلى بولدى. ۇيدە بىرگە بولعان نەمەرەسى اتىس جاراقاتىن العان.

اتالعان فاكتى قر قىلمىستىق كودەكسىنىڭ 99-بابى 1-بولىگى (ادام ءولتىرۋ); قر قك 24-بابى 3-بولىگى، 99-بابى 2-بولىگى 1,14-تارماقتارى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى.

كۇدىكتى ۋاقىتشا ۇستاۋ يزولياتورىنا قاماۋعا الىندى. ءىستىڭ ءمان-جايىن جان-جاقتى تەكسەرۋگە باعىتتالعان تەرگەۋ ارەكەتتەرى جۇرگىزىلۋدە. ناتيجەسى بويىنشا پروتسەسسۋالدىق شەشىم قابىلدانادى.

«ادىرنا» ۇلتتىق پورتالى

پىكىرلەر