گرۋزيادا قازا تاپقان قازاقستاندىق ارۋدىڭ ولىمىنە ايىپتالۋشىنىڭ ادۆوكاتى مالىمدەمە جاسادى، دەپ حابارلايدى «ادىرنا» ءتىلشىسى. ونىڭ ايتۋىنشا، بەسىك توردۋا مەن اسەل ايتپاەۆا تانىسقاندارىنا از ۋاقىت بولعانىنا قاراماستان، ۇيلەنۋدى جوسپارلاعان.
«باردۋا مارقۇممەن جاقسى قارىم-قاتىناستا بولدى. ءتىپتى ارۋعا ۇيلەنگىسى كەلدى. ولاردىڭ بىرگە بولعىسى كەلگەندىگى جانە قارىم-قاتىناستارىندا زورلىق-زومبىلىق بولماعانى تۋرالى دالەلدەر بار. ازاماتقا قارسى ايىپتاۋلاردىڭ ەشقانداي دالەلى جوق»،– دەدى لاشا شۋكاكيدزە Sputnik گرۋزياعا بەرگەن ەكسكليۋزيۆتى سۇحباتىندا.
ادۆوكاتتىڭ ايتۋىنشا، بىرنەشە كۋاگەرلەردىڭ ايعاقتارى توردۋا مەن ايتپاەۆانىڭ اراسىندا ەشقانداي كەلىسپەۋشىلىك بولماعانىن راستايدى.
«اسەل ءوز قالاۋىمەن ايىپتالۋشىنىڭ ۇيىنە كوشىپ كەلگەن. اپكەسىنىڭ كۇيەۋى مۋراد قىزدى ەكى كۇن بويى زورلاعان. بولعان وقيعانى توردۋا 30 ءساۋىر كۇنى بىلگەن. كەيىننەن ارۋ جەزدەسىنەن قورقاتىنىن حابارلاپ، جىگىتىنىڭ جانىندا بولۋدى قالاعان. ءمان-جايدى بىلگەننەن كەيىن ازامات پوليتسياعا حابار بەرگىسى كەلگەن، بىراق قىز بولىمشەگە بارۋدان باس تارتقان»،– دەدى ول.
«ادىرنا» ۇلتتىق پورتالى
