Grýzııada qaza tapqan qazaqstandyq arýdyń ólimine aıyptalýshynyń advokaty málimdeme jasady, dep habarlaıdy «Adyrna» tilshisi. Onyń aıtýynsha, Besik Tordýa men Ásel Aıtpaeva tanysqandaryna az ýaqyt bolǵanyna qaramastan, úılenýdi josparlaǵan.
«Bardýa marqummen jaqsy qarym-qatynasta boldy. Tipti arýǵa úılengisi keldi. Olardyń birge bolǵysy kelgendigi jáne qarym-qatynastarynda zorlyq-zombylyq bolmaǵany týraly dálelder bar. Azamatqa qarsy aıyptaýlardyń eshqandaı dáleli joq»,– dedi Lasha Shýkakıdze Sputnik Grýzııaǵa bergen eksklıýzıvti suhbatynda.
Advokattyń aıtýynsha, birneshe kýágerlerdiń aıǵaqtary Tordýa men Aıtpaevanyń arasynda eshqandaı kelispeýshilik bolmaǵanyn rastaıdy.
«Ásel óz qalaýymen aıyptalýshynyń úıine kóship kelgen. Ápkesiniń kúıeýi Mýrad qyzdy eki kún boıy zorlaǵan. Bolǵan oqıǵany Tordýa 30 sáýir kúni bilgen. Keıinnen arý jezdesinen qorqatynyn habarlap, jigitiniń janynda bolýdy qalaǵan. Mán-jaıdy bilgennen keıin azamat polıııaǵa habar bergisi kelgen, biraq qyz bólimshege barýdan bas tartqan»,– dedi ol.
«Adyrna» ulttyq portaly
