Halyk Bank قازاقستانداعى بيزنەسكە ارنالعان ءموبيلدى بانكتەر رەيتينگىندە ۇزدىك اتاندى

59771

SME Banking Club 2021 Digital Forum-دا تمد جانە كاۆكاز ەلدەرىندەگى بيزنەسكە ارنالعان ءموبيلدى جانە ينتەرنەت-بانك - Mobile Business Banking 2021 جانە Business Online Banking 2021 بويىنشا زەرتتەۋ ناتيجەسىن تانىستىردى. Halyk Bank قازاقستانداعى بيزنەسكە ارنالعان ءموبيلدى بانكتەر رەيتينگىندە ۇزدىك اتانىپ، سونداي-اق تمد جانە كاۆكاز ەلدەرىندەگى توپ-20 ۇزدىك ءموبيلدى بانك قاتارىنا ەندى.

زەرتتەۋ ناتيجەلەرى وڭىردەگى بيزنەسكە ارنالعان ءموبيلدى جانە ينتەرنەت-بانكتەردىڭ فۋنكتسيونالىن، شوب كليەنتتەرى ءۇشىن ماڭىزدىلىعى مەن قاجەتتىلىگىن ەسكەردى. اتاپ ايتقاندا، ساراپشىلار ءار ەلدىڭ ۇزدىكتەرىن انىقتادى جانە ولاردىڭ قاتارىندا Halyk Bank-ءتىڭ بيزنەسكە ارنالعان Onlinebank قوسىمشاسى اتالدى. بۇل بانك كومانداسىنىڭ ء"بىر تەرەزە" قاعيداتى بويىنشا جۇمىس ىستەيتىن فۋنكتسيونالدىق جانە زاماناۋي ءموبيلدى قوسىمشاسىن جاساي العانىن دالەلدەيدى.

Onlinebank-كە تىركەلگەننەن كەيىن بىردەن جەكە كاسىپكەر رەتىندە تىركەلۋگە جانە شوت اشۋعا بولادى. ءارى قاراي، قوسىمشادا ءسىز تەگىن جەتكىزۋ قىزمەتى بار كورپوراتيۆتىك كارتانى اشا الاسىز نەمەسە Apple Pay جانە Samsung Pay-گە بايلانىستىرۋعا بولاتىن تسيفرلى كارتانى شىعارۋعا بولادى. تسيفرلى كارتا - بۇل Onlinebank-تە ءاپ-ساتتە شىعارىلاتىن جانە تولىعىمەن قولدانۋ تەگىن بىرەگەي بانك ءونىمى.

قوسىمشادا اقشا ايىرباستاۋعا بولادى، ال كاسىپكەرلەر ءۇشىن "ساۋدا سيگنالى" فۋنكتسيونالى قولجەتىمدى، ياعني كۇتىلەتىن باعامدى كورسەتىپ، ودان ارى نارىق وزگەرىپ، قاجەتتى باعامعا جەتكەن كەزدە بانك كليەنتكە push-حابارلاما جولداۋ مۇمكىندىگىن قاراستىرعان. Onlinebank-تە سونداي-اق رۋبلمەن اقشا اۋدارۋدىڭ جەڭىلدەتىلگەن ءتۇرى بار. ەندى الۋشىنىڭ دەرەكتەمەلەرى اۆتوماتتى تۇردە تولتىرىلادى. بۇدان باسقا "باعدارشام" سەرۆيسى ىسكە قوسىلدى، وندا سەرۆيس بازاسى ارىپتەستەردىڭ سەنىمدىلىگىن تەكسەرەدى.

Onlinebank قوسىمشاسى قىزمەتىندەگى ۇلكەن سەرپىلىستىڭ ءبىرى -  بۇل تەلەفون ءنومىرى بويىنشا جەكە تۇلعالار دا، بيزنەس-سەرىكتەستەر دە 24/7 رەجيمىندە كوميسسياسىز زاڭدى تۇلعالار مەن جك شوتتارىنا اقشا قاراجاتىن اۋدارۋ مۇمكىندىگى. بۇل قىزمەتتى قولدانۋ ءۇشىن بيزنەس يەسى سەنىمدى ءنومىردى Onlinebank قوسىمشاسىنداعى كومپانيانىڭ شوتىنا تىركەۋى ءتيىس.

"بۇل جەتىستىك – Halyk Bank كومانداسىنىڭ ەڭبەگى. 2020 جىلى كۇردەلى كوروناۆيرۋس كەزەڭدە تەك جۇمىلا جۇمىس ىستەپ قانا قويماي، سونىمەن قاتار كاسىپكەرلەر كارانتيندىك شەكتەۋلەر جاعدايىندا بەلسەندى قولدانعان يننوۆاتسيالىق جانە پراكتيكالىق ونلاين-سەرۆيستەر مەن ونىمدەردى ازىرلەۋ جانە ونى ەنگىزۋ ءۇشىن ءوزىنىڭ تسيفرلىق الەۋەتىن شوعىرلاندىردى. بۇگىنگى جەتىستىگىمىز Halyk Bank جانە Halyk توبىنداعى بارلىق كومپانيالار ۇسىناتىن ونلاين-قىزمەتتەر مەن ونىمدەردى دامىتۋعا قوسىمشا ىنتا بەرەتىنى ءسوزسىز", - دەپ اتاپ ءوتتى Halyk Bank توراعاسىنىڭ ءبىرىنشى ورىنباسارى انتون مۋسين.

پىكىرلەر
رەداكتسيا تاڭداۋى