لۋكاشەنكو قايتىس بولعان جاعدايدا بيلىكتىڭ اۋىسۋى تۋرالى جارلىققا قول قويدى

3444
Adyrna.kz Telegram

بەلارۋسيادا «ەگەمەندىكتى جانە كونستيتۋتسيالىق قۇرىلىستى قورعاۋ تۋرالى» 2021 جىلعى 9 مامىرداعى № 2 دەكرەتكە قول قويىلدى. قۇجاتتا الەكساندر لۋكاشەنكو قايتىس بولعان جاعدايدا بيلىكتىڭ قاۋىپسىزدىك كەڭەسىنە ءوتۋى قاراستىرىلادى. بۇل تۋرالى ونىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.

قۇجاتتىڭ تولىق ءماتىنى ازىرگە جاريالانبادى. حابارلامادا قاستاندىق جاساۋ، تەرروريزم اكتىسى، سىرتقى اگرەسسيا جانە وزگە دە كۇش قولدانۋ ارەكەتتەرى سالدارىنان مەملەكەت باسشىسى قازا تاپقان جاعدايدا بارلىق مەملەكەتتىك ورگاندار مەن ولاردىڭ لاۋازىمدى ادامدارى پرەمەر-مينيستر توراعالىق ەتەتىن قاۋىپسىزدىك كەڭەسىنىڭ شەشىمىنە سايكەس ارەكەت ەتەتىندەرى ايتىلعان.

بۇل رەتتە ەل اۋماعىندا توتەنشە نەمەسە سوعىس جاعدايى دەرەۋ ەنگىزىلەدى، ال قاۋىپسىزدىك كەڭەسى ولاردى قامتاماسىز ەتۋ جونىندەگى شارالار تىزبەسىن ايقىندايدى. كەڭەس بەكەتكەن شەشىم مىندەتتى تۇردە ورىندالۋى ءتيىس.

نەگىزگى ماسەلە – سايلاۋدى وتكىزۋ جوسپارى. قاۋىپسىزدىك كەڭەسى اكىمدەردىڭ قاتىسۋىمەن شارانى جۇزەگە اسىرۋ تۋرالى شەشىم قابىلدايدى.

ءباسپاسوز قىزمەتىنىڭ مالىمدەۋىنشە، جارلىق ەلدىڭ تاۋەلسىزدىگى مەن ەگەمەندىگىن ساقتاۋعا باعىتتالعان. قۇجات قول قويىلعان ساتتەن باستاپ كۇشىنە ەنەدى.

«ادىرنا» ۇلتتىق پورتالى

پىكىرلەر