كەشە كابۋلدىڭ باتىسىنداعى شيت اۋماعىندا ورنالاسقان قىزدار مەكتەبىنىڭ جانىندا بومبا جارىلىپ، زارداپ شەككەندەر اۋرۋحانالارعا جەتكىزىلدى، دەپ حابارلايدى «ادىرنا» ءتىلشىسى.
بەيرەسمي مالىمەتتەرگە سۇيەنسەك، جارىلىس سالدارىنان ەلۋگە جۋىق ادام قايتىس بولعان. 30 ادامنىڭ ءولىمى رەسمي تۇردە راستالدى. جاراقات العاندارى سانى — 10.
اۋعانستان پرەزيدەنتى اشراف عاني بۇل وقيعانى تەرروريستىك اكت دەپ اتاپ، تاليبان راديكالدى قوزعالىسىن «تەررورلىق ارەكەتتى ۇيىمداستىردى» دەپ ايىپتادى. بىراق ايىپتالۋشى تاراپ وزدەرىنە تاققان كىنانى جوققا شىعارىپ وتىر.
قازىرگى تاڭدا تەرگەۋ امالدارى جۇرگىزىلىپ جاتىر. اۋعان بيلىگىنىڭ ايتۋىنشا، كابۋلدىڭ شيت كۆارتالدارى بۇرىن اۋعانستانداعى يسلام مەملەكەتى توبىنىڭ فيليالى بولعان. وتكەن جىلى توپ 50 ادامنىڭ ءومىرىن قيعان ەكى قاتىگەز شابۋىلى ءۇشىن جاۋاپكەرشىلىكتى ءوز موينىنا العان. ولاردىڭ اراسىندا ستۋدەنتتەر كوپ.
«ادىرنا» ۇلتتىق پورتالى
