الەمدەگى ەڭ باي ينتەرنەت ساۋدا پلاتفورماسى Amazon-نىڭ نەگىزىن قالاعان دجەفري بەزوستى بىلەسىزدەر. ميللياردەر. تەحنوكرات. ينتەرنەت ساۋدادان بولەك 2000 جىلى “Blue Origin” اتتى جەكە كومپانيا قۇرعان. ماقساتى عارىشتى زەرتتەۋ.
2021 جىلى 21 شىلدەدە دجەفري بەزوستىڭ “Blue Origin” كومپانياسى 6 ءتۋريستى عارىشقا شىعارماقشى. قازىر كومپانيا جاساپ شىعارعان “New Shepard” عارىش زىمىرانى سىناقتان ءوتىپ جاتىر. كومپانيا 15 رەت كەزەكتى سىناعىن ءساتتى وتكىزدى. بۇل راكەتانىڭ ەرەكشەلىگى تۋريستەر وتىرعان كاپسۋلانى 115 كم بيىكتىككە الىپ ۇشادى. دىتتەگەن نۇكتەگە جەتكەندە كاپسۋلادان ءبولىنىپ، ۇشقان جەرىنە قايتادان قونادى. “SpaceX”-تىڭ كوپ رەت قولدانۋعا بولاتىن “Falcon9” راكەتاسى ىسپەتتەس. راكەتادان بولىنگەن تۋريستەر مىنگەن كاپسۋلا عارىشتا قالىقتاپ، اينالىپ ۇشىپ، قايتادان جەرگە قاراي قۇلديلايدى. ءتيىستى نۇكتەگە جەتكەندە پاراشيۋتتەر اشىلىپ جەرگە قونادى.
نەگىزى اقش ارماندار ورىندالاتىن ەل دەگەن اتىنا لايىقتى مەملەكەت. ءتىلى باي، تاريحى تەرەڭ ەل عوي. بۇلاردىڭ بايلارى دا اقىلدى ادامدار ءوزى. ءبىزدىڭ بايلار جارىسا مەشىت سالادى. كەزىندەگى وسمان يمپەرياسىنىڭ مەشىت سالىپ جارىسقان پاشالارى سەكىلدى. اقش-تىڭ بايلارى عارىشتى زەرتتەۋگە، عىلىمعا، تەحنوكراتتارعا ينۆەستيتسيا قۇيادى. ادامنىڭ ويىنا كەلمەيتىن دۇنيەلەردى ىسكە اسىرادى. ۇكىمەتتەن دە كومەك سۇرامايدى. كەدەرگى كەلتىرمەسەڭ بولدى باستىسى.
سونىمەن دجەفري بەزوستىڭ “Blue Origin” كومپانياسىن نازاردا ۇستاڭىزدار. 2021 جىلى عارىشقا تۋريست الىپ ۇشقان جەكە كومپانيا رەتىندە تاعى ءبىر ادامزات بالاسىنىڭ تاريحىن جازادى. تاريحتى جازۋىن جازادى عوي. بۇلار ءبىزدىڭ “بايقوڭىردى” روسكوسموسپەن قوسا تىرىدەي ولتىرەتىن بولدى. بۇل اكسيوما.
“NASA” مەن “SpaceX”-ءتى بىلاي قويعاندا جەكە كاسىپكەرلەردىڭ كومپانيالارى ءبىزدىڭ تۇتاس مەملەكەتتىك باعدارلامالارىمىزدى باسىپ وزدى. الىسقا كەتتى. بۇلاي جالعاسا بەرسە “ۆەچنو دوگونيايۋششي” ەكونوميكاسى بار ەلدىڭ دەڭگەيىندە قالا بەرەمىز. بۇنىڭ باسقا جولى جوق.
باۋىرجان سەرىكباەۆ،
"ادىرنا" ۇلتتىق پورتالى
