يراندا حيدجاب كيمەگەن 16 جاستاعى ارميتا گەراۆاند ءتارتىپ ساقشىلارىنىڭ سوققىسىنان كەيىن قايتىس بولدى، دەپ حابارلايدى "ادىرنا" ءتىلشىسى BBC-گە سىلتەپ.
يراندا بويجەتكەن بىرنەشە اپتادان كەيىن رەانيماتسيادا قايتىس بولعان. ونىڭ دەنساۋلىعىنا پوليتسەيلەر زيان تيگىزگەن.
قۇقىق قورعاۋشىلاردىڭ ايتۋىنشا، قىز حيدجابىنىڭ جوقتىعى ءۇشىن مەترودا پوليتسيا ۇستاعان كەزدە اۋىر جاراقات العان.
"تەگەراندىق ستۋدەنت ارميتا گەراۆاند ءبىر ساعات بۇرىن رەانيماتسيا بولىمىندە قايتىس بولدى",-دەدى يران رەسپۋبليكاسىنىڭ جاستار ىستەرى مينيسترلىگىمەن بايلانىستى بورنا اقپارات اگەنتتىگى.
Hengaw تاۋەلسىز قۇقىق قورعاۋ ۇيىمىنىڭ مالىمەتى بويىنشا، مەترودا بۇل وقيعا 3 قازاندا بولعان.
بيلىك وكىلدەرى ونى پلاتفورمادا توقتاتىپ، ونىڭ باسىن جابۋدى تالاپ ەتكەن. قىز باس تارتقان ساتتە، پوليتسەيلەر وعان كۇش قولدانىپتى. بيلىك پوليتسيا قىزمەتكەرلەرىنىڭ جاراقاتتانعانىن ءۇزىلدى-كەسىلدى جوققا شىعارعان.
قازان ايىنىڭ باسىندا ارميتا گەراۆاند كوماعا ءتۇسىپ، ۇزدىكسىز ەم العان.
بۇل وقيعا دۇربەلەڭ تۋدىرۋدا. سەبەبى كوپتەگەن يراندىقتار ارميتامەن بولعان وقيعانى وتكەن جىلى 22 جاستاعى ماحسا امينيمەن بولعان جاعدايمەن سالىستىرۋدا. ول دا حيدجاب كيۋ ەرەجەلەرىن ساقتاماعانى ءۇشىن ۇستالىپ، ماحسا بىرنەشە كۇن وتكەن سوڭ قايتىس بولعانىن ەسكە سالامىز.
