قازاقستاندا 2024 جىلدان باستاپ 11 جاستان اسقان قىزدارعا ادام پاپيللوماۆيرۋسىنا قارسى ەكپە ەگىلەدى، دەپ حابارلايدى "ادىرنا" پورتالى.
«وتكەن جىلى ونكولوگيا بويىنشا ۇلكەن باعدارلاما قابىلداندى. بيىلدان باستاپ قىز بالالاردى ادام پاپيللوماۆيرۋسىنا قارسى ۆاكتسيناتسيالاۋ قولعا الىنادى. 11 جاستاعى قىزدار مەن ولاردىڭ اتا-انالارىنا ۆاكتسيناتسيا ۇسىنىلادى، – دەدى دەنساۋلىق ساقتاۋ ءمينيسترى اجار گينيات ۇكىمەت وتىرىسىندا.
مينيستر ەكپە اتا-انانىڭ كەلىسىمىمەن عانا جۇرگىزىلەتىنىن ءتۇسىندىردى. ۆاكتسينا مەكتەپتەر مەن ەگۋ ەمحانالارىندا جاسالادى.
عينيات بۇل ماسەلە قىز بالالار اراسىندا ءورشىپ تۇرعاندىقتان، ۇل بالالاردى ەگۋ ماسەلەسى كەيىن قاراستىرىلاتىنىن اتاپ ءوتتى.
ازىرگە بالالارعا قانداي ۆاكتسينا ەگىلەتىنى بەلگىسىز. عينيات تەك ەڭ جاقسى جانە دالەلدەنگەن ۆاكتسينانى تاڭدايمىز دەپ جاۋاپ بەردى.
جاتىر موينى وبىرى - جاتىر موينىنىڭ ەپيتەليىندە پايدا بولاتىن قاتەرلى ىسىك. قك قازاقستاندىق ايەلدەر اراسىندا ءجيى كەزدەسەتىن قاتەرلى ىسىك اۋرۋلارىنىڭ ءبىرى بولىپ سانالادى. دەگەنمەن، بۇل ادام پاپيللومالىق ۆيرۋسىنا (HPV) قارسى ۆاكتسيناتسيا ارقىلى الدىن الۋعا بولاتىن ىسىكتىڭ جالعىز ءتۇرى.
