نۇر-سۇلتان تۇرعىنى سارا بەرسان Facebook جەلىسىندەگى پاراقشاسىندا 21 جاستاعى ەر ازاماتتىڭ كامەلەتكە تولماعان بالانى قاعىپ كەتكەنىن جازدى، دەپ حابارلايدى «ادىرنا» ءتىلشىسى.
«دوستار، جۇما كۇنى مەن 1999 جىلى تۋعان جاس جىگىتتىڭ جاياۋ جۇرگىنشىلەر وتكەلىندە ءجاسوسپىرىمدى قاعىپ، وقيعا ورنىنان قاشىپ كەتكەنىنە كۋاگەر بولدىم. باقىتىمىزعا وراي، جاقىن جەردە جۇرگەن قىز ەكەۋمىز جول پوليتسياسى مەن جەدەل جاردەم شاقىرىپ، قىلمىسكەردىڭ ەسىن جيۋعا تىرىستىق»،-دەپ جازدى ول.
كۋاگەردىڭ ايتۋىنشا، ءجاسوسپىرىمدى شەنەۋنىكتىڭ ۇلى قاعىپ كەتكەن.
«كامەلەتكە تولماعان جابىرلەنۋشىدەن "كىمگە قوڭىراۋ شالا الامىن؟" دەپ سۇراعانىمدا، ول اجەسىن رەنجىتپەۋىمدى ءوتىندى. بۇل ديالوگتان مەن بالانىڭ جەتىم ەكەنىن ءتۇسىندىم. مۇنداي جاڭالىق ۇلكەن كىسىنىڭ جاعدايىن ناشارلاتۋى مۇمكىن ەدى.. ال 14 مامىردا نەبارى 22 جاسقا تولعان جاس جىگىت ءوزىن وتە دورەكى ۇستادى. «نەلىكتەن كولىكتەن شىقپادىڭىز، كەشىرىم سۇرامادىڭىز، كومەك ۇسىنبادىڭىز، جەدەل جاردەم شاقىرمادىڭىز؟» دەگەن سۇراقتار قويىلدى. ول ءوزىن كىنالى سەزىنبەيتىنىن جانە زارداپ شەگۋشىنىڭ جاعدايىنىڭ جاقسى ەكەنىن العا تارتتى. وسى وقيعادان كەيىن وزىمە «نەلىكتەن اتا-انا جول قوزعالىسى ەرەجەسىن بىلمەيتىن بالانى قىمبات كولىكتى رولگە وتىرعىزدى؟ نەلىكتەن ول ءوزىن ادام رەتىندە ەمەس، الەمنىڭ يەسى رەتىندە ۇستادى؟» دەگەن سۇراقتاردى قويدىم. جاۋابىن گۋگلدان تاپتىم. اكەسى نۇرعاليەۆ دامير باقىتۇلى مەملەكەتتىك كىرىستەر كوميتەتىندەگى اكتسيزدەردى اكىمشىلەندىرۋ باسقارماسىنىڭ باسشىسى ەكەن»،– دەدى ول.
پوليتسيا دەپارتامەنتى زارداپ شەككەن بالانىڭ 17 جاستا ەكەنىن حابارلادى. قازىرگى تاڭدا ول ەم قابىلداپ جاتىر. اتالعان فاكت بويىنشا تەرگەۋ جۇمىستارى باستالدى.
«ادىرنا» ۇلتتىق پورتالى
