اقتاۋ قالاسىنىڭ تۇرعىنى ازامات سارسەنباەۆ فورت-شەۆچەنكو قالاسىنىڭ ماڭىندا پايدا بولعان قوقىس ءۇيىندىسىن ۆيدەوعا ءتۇسىرىپ، جەلىگە جۇكتەدى، دەپ حابارلايدى «ادىرنا» ءتىلشىسى.
«بۇل ماڭعىستاۋ وبلىسىنداعى فورت-شەۆچەنكو دەپ اتالاتىن شاعىن قالا. بۇل مەكەندە ستيحيالىق قوقىس ورنى عانا ەمەس، بۇكىل قالانىڭ قالدىقتارى بار ۇلكەن قوقىس ورنى ورنالاسقان»،– دەدى ول.
ازامات Facebook جەلىسىندەگى پاراقشاسىندا جەرگىلىكتى بيلىككە دەگەن رەنىشىن دە جەتكىزدى.
«قوقىس ەشتەڭەمەن قورشالماعان، ەشكىم باقىلامايدى. ادامدار وسىندا كەلىپ، بارلىق قاجەتسىز دۇنيەلەرىن تاستايدى، سودان كەيىن قوقىس جەل ارقىلى ايماقتارعا تارالادى. تۇپقاراعان اۋدانىنىڭ بيلىگى ەڭ بولماعاندا، وسى جەردى قورشاۋ تۋرالى ويلامايدى. ايتپاقشى، تەلمان اۋىلىندا دا ءدال سونداي پروبلەما بار»،– دەپ جازدى بەلسەندى.
«ادىرنا» ۇلتتىق پورتالى
