Aqtaý qalasynyń turǵyny Azamat Sársenbaev Fort-Shevchenko qalasynyń mańynda paıda bolǵan qoqys úıindisin vıdeoǵa túsirip, jelige júktedi, dep habarlaıdy «Adyrna» tilshisi.
«Bul Mańǵystaý oblysyndaǵy Fort-Shevchenko dep atalatyn shaǵyn qala. Bul mekende stıhııalyq qoqys orny ǵana emes, búkil qalanyń qaldyqtary bar úlken qoqys orny ornalasqan»,– dedi ol.
Azamat Facebook jelisindegi paraqshasynda jergilikti bılikke degen renishin de jetkizdi.
«Qoqys eshteńemen qorshalmaǵan, eshkim baqylamaıdy. Adamdar osynda kelip, barlyq qajetsiz dúnıelerin tastaıdy, sodan keıin qoqys jel arqyly aımaqtarǵa taralady. Túpqaraǵan aýdanynyń bıligi eń bolmaǵanda, osy jerdi qorshaý týraly oılamaıdy. Aıtpaqshy, Telman aýylynda da dál sondaı problema bar»,– dep jazdy belsendi.
«Adyrna» ulttyq portaly
