انكارادا بيىلعى جىلدىڭ جوسپارىنا قول قويىلىپ، قازاقستان مەن تۇركيا اراسىنداعى اسكەري ىنتىماقتاستىقتىڭ باعىتتارى بەلگىلەندى.
جوسپارعا قول قويۋعا ەكى ەلدىڭ قورعانىس ۆەدومستۆولارى اراسىنداعى وتكىزىلگەن شتابتىق كەلىسىمدەر ىقپال ەتتى. قازاقستان تاراپىن قورعانىس مينيسترلىگى حالىقارالىق ىنتىماقتاستىق دەپارتامەنتىنىڭ باستىعى پولكوۆنيك ولجاس قۇسايىنوۆ باسقاردى.
اتالمىش قۇجات وڭىرلىك قاۋىپسىزدىك ماسەلەلەرى، ارنايى ماقساتتاعى بولىمشەلەردى دايارلاۋ، بىرلەسكەن وقۋ-جاتتىعۋلاردى وتكىزۋ اياسىنداعى 17 ءىس-شارانى قامتىدى.تاجىريبە الماسۋ كەزىندە بارلاۋ جانە سوققى بەرۋشى ۇشقىشسىز ۇشۋ قۇرىلعىلارىن قولدانۋ تاكتيكاسى كوزدەلگەن.
كەلىسسوزدەر اياسىندا سونداي-اق، اسكەري ءبىلىم مەن عىلىم اۋقىمىنداعى ءوزارا ءىس-قيمىل، 2022-2023 وقۋ جىلىندا اسكەري قىزمەتشىلەردى وقىتۋ جوسپارى كەلىسىلدى.
"ادىرنا" ۇلتتىق پورتالى
