Qazaqstan men Túrkııa áskerı salada kelisim jasasty

5490
Adyrna.kz Telegram

Ankarada bıylǵy jyldyń josparyna qol qoıylyp, Qazaqstan men Túrkııa arasyndaǵy áskerı yntymaqtastyqtyń baǵyttary belgilendi.

Josparǵa qol qoıýǵa eki eldiń qorǵanys vedomstvolary arasyndaǵy ótkizilgen shtabtyq kelisimder yqpal etti. Qazaqstan tarapyn Qorǵanys mınıstrligi Halyqaralyq yntymaqtastyq departamentiniń bastyǵy polkovnık Oljas Qusaıynov basqardy.

Atalmysh qujat óńirlik qaýipsizdik máseleleri, arnaıy maqsattaǵy bólimshelerdi daıarlaý, birlesken oqý-jattyǵýlardy ótkizý aıasyndaǵy 17 is-sharany qamtydy.Tájirıbe almasý kezinde barlaý jáne soqqy berýshi ushqyshsyz ushý qurylǵylaryn qoldaný taktıkasy kózdelgen.

Kelissózder aıasynda sondaı-aq, áskerı bilim men ǵylym aýqymyndaǵy ózara is-qımyl, 2022-2023 oqý jylynda áskerı qyzmetshilerdi oqytý jospary kelisildi.

"Adyrna" ulttyq portaly

Pikirler