وزبەكستاندا "گەورگي لەنتاسىن" تاراتۋ اكتسياسى باستالدى

2832
Adyrna.kz Telegram

بۇگىن وزبەكستاندا جىل سايىنعى «گەورگي لەنتاسى» اكتسياسى باستالادى، دەپ حابارلايدى "ادىرنا" ۇلتتىق پورتالى. 

رەسەيدىڭ تاشكەنتتەگى ەلشىلىگىنىڭ حابارلاۋىنشا، بارلىق ادامدار «گەورگي لەنتاسىن» ەلشىلىكتىڭ قاقپاسىنان تەگىن الا الادى. ناۋقان ءۇش كۇنگە سوزىلادى.

«گەورگي لەنتاسى» اكتسياسى جىل سايىن، 2005 جىلدان باستاپ وتكىزىلىپ كەلەدى. وعان الەمنىڭ 30-دان استام ەلدەرى بەلسەندى قاتىسادى. اكتسيانىڭ باستى ماقساتى - ەكىنشى دۇنيەجۇزىلىك سوعىستا جەڭىسكە جەتكەندەردىڭ ەستەلىگىن ساقتاۋ.

2019 جىلى وزبەكستاندا 9 مامىر كۇنى «داڭق لەنتالارى» تاراتىلا باستادى. سونىمەن بىرگە، كەزدەسۋدە پرەمەر-مينيستر ابدۋللا اريپوۆ گەورگي لەنتالارىن تاراتۋدى سىنعا الىپ، وزبەكستاننىڭ مەملەكەتتىك تۋىنىڭ تۇستەرىندە «داڭق لەنتالارىن» كەڭىنەن ناسيحاتتاۋ ءۇشىن وسىنداي اكتسيا وتكىزۋ قاجەتتىگىن اتاپ ءوتتى.

«رەسەي ءۇشىن گەورگي لەنتاسى - ۇلى وتان سوعىسىنداعى جەڭىستىڭ سيمۆولى. وزبەكستاندا ونى مۇنداي سيمۆول دەپ سانايتىندارعا ەشكىم تىيىم سالا المايدى. ال وزبەكستاننىڭ ءوز رامىزدەرى بولۋى كەرەك. ەڭ باستىسى، ءبىز ۇلى وتان سوعىسىنا قاتىستى شىندىقتى قالپىنا كەلتىرىپ جاتىرمىز، ءبىز بۇل مەرەكەنى لايىقتى تۇردە اتاپ وتەمىز، سوعىسقا قاتىسۋشىلاردى لايىقتى تۇردە ماراپاتتايمىز »، - دەدى باق ۇكىمەت باسشىسىنىڭ كەزدەسۋدە كەلتىرگەن سوزدەرىنە سىلتەمە جاساپ.

جالپى وسىنداي لەنتالاردىڭ 100 مىڭنان استامى تاراتىلعان.

"ادىرنا" ۇلتتىق پورتالى 

پىكىرلەر