وزبەكستاننىڭ دجيزاح وبلىسىندا 100-دەن استام ادام ەۆاكۋاتسيالاندى، 260 ءۇي سۋ استىندا قالدى، ونىڭ 53-ءى تولىعىمەن قيرادى. نوسەر جاۋىن سالدارىنان بولعان سەل بەس ادامنىڭ ءومىرىن قيدى، دەپ حابارلايدى “ادىرنا” ۇلتتىق پورتالى.
وبلىس پروكۋراتۋراسىنىڭ حابارلاۋىنشا، توتەنشە جاعداي سالدارىنان تاعى التى ادام ءارتۇرلى اۋىرلىقتاعى دەنە جاراقاتىن العان. قازىر تەرگەۋ ءجۇرىپ جاتىر.
تابيعي اپات سالدارىنان دجيزاح وبلىسىندا 100-دەن استام ادام ەۆاكۋاتسيالانىپ، 260 ءۇيدى سۋ باسىپ، ونىڭ 53-ءى تولىعىمەن قيراعان.
سونداي-اق، سامارقاند وبلىسىندا ۇيلەر مەن كوشەلەردى شامالى سۋ باسۋ، قاشقاداريا جانە ناۋاي وبلىستارىندا سۋ تاسقىنى تىركەلدى.
سينوپتيكتەردىڭ بولجامى بويىنشا، الداعى 10-15 جىلدا تۇراقتى جىلىنۋ ءۇردىسى (ورتاشا تەمپەراتۋرانىڭ جىلىنا 1,5%-عا ارتۋى) جاۋىن-شاشىننىڭ ۇلعايۋىنا، ياعني سۋ تاسقىنى سانىنىڭ ارتۋىنا جانە سەل بەلسەندىلىگىنىڭ ارتۋىنا اكەلەدى.
ايتا كەتەيىك، 2021 جىلدىڭ شىلدە ايىندا قىرعىزستانمەن شەكارالاس وزبەكستاننىڭ شىعىسىنداعى نامانگان وبلىسىندا نوسەر جاۋىن سالدارىنان سەل ءجۇرىپ، 8 ادام قازا تاۋىپ، التاۋى زارداپ شەككەن بولاتىن.
“ادىرنا” ۇلتتىق پورتالى
