Ózbekstanda "Georgıı lentasyn" taratý akııasy bastaldy

2833
Adyrna.kz Telegram

Búgin Ózbekstanda jyl saıynǵy «Georgıı lentasy» akııasy bastalady, dep habarlaıdy "Adyrna" ulttyq portaly. 

Reseıdiń Tashkenttegi elshiliginiń habarlaýynsha, barlyq adamdar «Georgıı lentasyn» elshiliktiń qaqpasynan tegin ala alady. Naýqan úsh kúnge sozylady.

«Georgıı lentasy» akııasy jyl saıyn, 2005 jyldan bastap ótkizilip keledi. Oǵan álemniń 30-dan astam elderi belsendi qatysady. Akııanyń basty maqsaty - Ekinshi dúnıejúzilik soǵysta jeńiske jetkenderdiń esteligin saqtaý.

2019 jyly Ózbekstanda 9 mamyr kúni «dańq lentalary» taratyla bastady. Sonymen birge, kezdesýde premer-mınıstr Abdýlla Arıpov Georgıı lentalaryn taratýdy synǵa alyp, Ózbekstannyń memlekettik týynyń tústerinde «dańq lentalaryn» keńinen nasıhattaý úshin osyndaı akııa ótkizý qajettigin atap ótti.

«Reseı úshin Georgıı lentasy - Uly Otan soǵysyndaǵy Jeńistiń sımvoly. Ózbekstanda ony mundaı sımvol dep sanaıtyndarǵa eshkim tyıym sala almaıdy. Al Ózbekstannyń óz rámizderi bolýy kerek. Eń bastysy, biz Uly Otan soǵysyna qatysty shyndyqty qalpyna keltirip jatyrmyz, biz bul merekeni laıyqty túrde atap ótemiz, soǵysqa qatysýshylardy laıyqty túrde marapattaımyz », - dedi BAQ úkimet basshysynyń kezdesýde keltirgen sózderine silteme jasap.

Jalpy osyndaı lentalardyń 100 myńnan astamy taratylǵan.

"Adyrna" ulttyq portaly 

Pikirler