ءماجىلىستىڭ ەڭ جاس دەپۋتاتى ءمادي احمەت «جۇرتتىڭ بالاسى» لاقاپ اتىمەن تانىمال بلوگەر مۇرات دانياردىڭ شاقىرتۋىن قابىل الدى، دەپ حابارلايدى «ادىرنا» ءتىلشىسى.
«جاقىندا مۇرات دانياردىڭ جىبەرگەن شاقىرۋىن كوردىم. ونىڭ الدىندا، ءوزىنىڭ جەكە ۆيدەوكانالىندا جاسوتاندىقتار تۋرالى ەش نەگىزسىز اقپاراتتاردان قۇرالعان ماتەريالمەن ءبولىستى. مەن تۋرالى جازعانىنا ءمان بەرمەسەم دە، ارىپتەستەرىم تۋرالى ايتقانىنا شىداۋ مۇمكىن ەمەس.
كەي ازاماتتار ءوزىنىڭ ساياسي امبيتسياسىن ىسكە اسىرا الماي، ونى تەك وزگەلەردى داتتاۋ ارقىلى جاساعىسى كەلەدى. بىراق، ەل باسىنا قيىندىقتار تۋعان كەزدە، جوق بولىپ كەتەتىنىن ءوز كوزىممەن تالاي كوردىم.
⠀
مەنىڭ جاس بەلسەندى دوستارىمنىڭ ىستەرىن ەل كورىپ وتىر. جاسالعان ىستەر تۋرالى پىكىرتالاس الاڭىندا شەگەلەپ ايتامىن. ايتىلعان ءسوز، اتىلعان وقپەن تەڭ!»– دەدى دەپۋتات.
ول دەبات شارتتارىن دا اتاپ ءوتتى. بىرىنشىدەن، پىكىرسايىس مىندەتتى تۇردە LIVE, تىكەلەي ەفيردە ءوتۋى ءتيىس. ەكىنشىدەن، دەبات تانىمال، قازاقتىلدى اۋديتورياسى بار، كاسىبي ءتىلشىنىڭ YouTube كانالىندا ۇيىمداستىرىلۋى كەرەك.
الايدا بلوگەر Instagram جەلىسىندەگى رەسمي پاراقشاسىندا ورىس تىلىندە سويلەيتىنىن اتاپ ءوتتى. مۇرات دانياردىڭ پىكىرىنشە، حالىقتى تىلگە بايلانىستى بولۋگە بولمايدى.
پىكىرسايىستىڭ ناقتى قاي كۇنى بولاتىنى ازىرگە بەلگىسىز.
«ادىرنا» ۇلتتىق پورتالى
