شىمكەنت قالاسىندا مەملەكەتتىك اتاۋلى الەۋمەتتىك كومەك كورسەتۋ جۇمىستارى بەلسەندى جۇرگىزىلۋدە.
جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ مىندەتىن اتقارۋشى ەرمان بەكمۇراتوۆتىڭ مالىمەتىنشە، اتاۋلى الەۋمەتتىك كومەككە 2021 جىلعا بيۋدجەتتەن 13,5 ملرد. تەڭگە بولىنگەن (رەسپۋبليكالىق – 12,5 ملرد تەڭگە، جەرگىلىكتى بيۋدجەت – 955,7 ملن تەڭگە).
جىل باسىنان بەرى 34 862 وتباسىعا (172 089 ادام) مەملەكەتتىك اتاۋلى الەۋمەتتىك كومەك تاعايىندالىپ، 4,8 ملرد تەڭگە كولەمىندە كومەك كورسەتىلدى. اتاۋلى الەۋمەتتىك كومەككە ءوتىنىش بەرگەن وتباسى سانى – 43 889, تاعايىنداۋدان باس تارتاتىلعانى – 6173. 2854 ءوتىنىش ۋچاسكەلىك كوميسسيا قاراۋىندا.
مەملەكەتتىك اتاۋلى الەۋمەتتىك كومەك الۋشىلاردىڭ 1-6 جاس ارالىعىنداعى بالالارى 47 244 كەپىلدەندىرىلگەن الەۋمەتتىك توپتامامەن قامتاماسىز ەتىلدى.
جالپى اتاۋلى كومەك ءتۇرى ازاماتتاردىڭ اياققا تۇرىپ كەتۋ ءۇشىن بەرىلەتىنىن، تۇراقتى تۇردە كورسەتىلمەيتىنىن اتاپ وتكەن ءجون.
شىمكەنت قالاسى اكىمدىگىنىڭ ءباسپاسوز قىزمەتى
