Shymkent qalasynda memlekettik ataýly áleýmettik kómek kórsetý jumystary belsendi júrgizilýde.
Jumyspen qamtý jáne áleýmettik qorǵaý basqarmasy basshysynyń mindetin atqarýshy Erman Bekmuratovtyń málimetinshe, ataýly áleýmettik kómekke 2021 jylǵa bıýdjetten 13,5 mlrd. teńge bólingen (respýblıkalyq – 12,5 mlrd teńge, jergilikti bıýdjet – 955,7 mln teńge).
Jyl basynan beri 34 862 otbasyǵa (172 089 adam) memlekettik ataýly áleýmettik kómek taǵaıyndalyp, 4,8 mlrd teńge kóleminde kómek kórsetildi. Ataýly áleýmettik kómekke ótinish bergen otbasy sany – 43 889, taǵaıyndaýdan bas tartatylǵany – 6173. 2854 ótinish ýchaskelik komıssııa qaraýynda.
Memlekettik ataýly áleýmettik kómek alýshylardyń 1-6 jas aralyǵyndaǵy balalary 47 244 kepildendirilgen áleýmettik toptamamen qamtamasyz etildi.
Jalpy ataýly kómek túri azamattardyń aıaqqa turyp ketý úshin beriletinin, turaqty túrde kórsetilmeıtinin atap ótken jón.
Shymkent qalasy ákimdiginiń baspasóz qyzmeti
