TAV Airports كومپانياسى مەن قازاقستاننىڭ ينفراقۇرىلىمدىق قورى الماتى اۋەجايىن ساتىپ الۋدى اياقتادى. قازاقستاندىق اۋە ايلاعى كومپانيا ۋاقىتشا كونتسەسسيالىق كەلىسىم نەگىزىندە ەمەس، مەنشىك قۇقىعى نەگىزىندە باسقاراتىن TAV پورتفەلىندەگى 15-ءشى جانە ءبىرىنشى بولدى، دەپ حابارلايدى "ادىرنا" ۇلتتىق پورتالى TAV اۋەجايلارىنىڭ رەسمي مالىمدەمەسىنە سىلتەمە جاساپ.
«مامىلە بويىنشا ەسەپ ايىرىسۋ اياقتالعاننان كەيىن TAV كومپانياسى اۋەجايدىڭ جانارماي جانە تاماقتاندىرۋ قىزمەتتەرىن كورسەتەتىن 85 پايىز اكتسيالارىنىڭ بەنەفيتسيارلىق يەسى بولادى.
اكتسيالاردىڭ قالعان 15 پايىزىن VPE Capital باسقاراتىن قازاقستاندىق ينفراقۇرىلىم قورى يەلەنەدى. قوردىڭ زاكىرلى ينۆەستورى - «قازىنا كاپيتال مەنەدجمەنت» اق، دەلىنگەن حابارلامادا.
ساني شەنەر، TAV اۋەجايلارىنىڭ پرەزيدەنتى جانە باس اتقارۋشى ديرەكتورى "الماتىنى وبلىستىڭ ىسكەرلىك استاناسى رەتىندە جانە قازاقستاندى باي مادەني مۇرا مەن جوعارى تۋريستىك الەۋەتكە يە ەل رەتىندە تانىتۋعا" ۋادە بەردى.
«ءبىزدىڭ مارشرۋتتاردى دامىتۋداعى تاجىريبەمىز الماتى مەن الەم اراسىنداعى كولىك بايلانىستارىن كەڭەيتۋگە كومەكتەسەدى. مىسال رەتىندە: گرۋزياداعى اۋەجايلاردى باسقارعان 10 جىل ىشىندە ءبىز باعىتتاردىڭ سانىن ەكى ەسەگە كوبەيتىپ، جولاۋشىلار اعىنىن 7 ەسەگە ارتتىردىق. ءبىزدىڭ ماقسات - ءوز ۇلەسىمىزدى قوسۋ، جۇمىس ورىندارىن قۇرۋ جانە جەرگىلىكتى بيزنەستىڭ حالىقارالىق دامۋىنا ۇلەس قوسۋ ارقىلى الماتى وبلىسىنىڭ ەكونوميكالىق جانە الەۋمەتتىك دامۋىن جاقسارتۋ. مەن قازاقستانداعى شەتەلدىك ينۆەستورلارعا پروتسەستى مۇمكىندىگىنشە ىڭعايلى ەتكەندىگى ءۇشىن دەگەن دوستىق سىيلاستىعىمىزدى اتاپ وتكىم كەلەدى جانە مەملەكەت وكىلدەرىنە، سەرىكتەسىمىزگە، نەسيە بەرۋشىلەرىمىز بەن قىزمەتكەرلەرىمىزگە العىس ايتامىن»، - دەپ قوستى ول.
ەسكە سالايىق، الماتى اۋەجايىنىڭ ساتىلۋى 2020 جىلدىڭ مامىر ايىندا بەلگىلى بولدى. كەيىنىرەك TAV Airports تۇرىك كومپانياسى باس ديرەكتورىنىڭ ورىنباسارى سەركان كاپتان 2022 جىلعا دەيىن اۋەجايدا قۇنى 200 ميلليون دوللار تۇراتىن حالىقارالىق رەيستەرگە ارنالعان جاڭا تەرمينال پايدا بولادى دەپ مالىمدەگەن ەدى. ول سونداي-اق قازاقستاندىق اۋەجاي قىزمەتكەرلەرىنىڭ جۇمىس ورىندارىن ساقتاپ قالۋعا ۋادە بەردى.
"ادىرنا" ۇلتتىق پورتالى
(فوتو اشىق دەرەككوزدەن)
