بۇگىن شىمكەنت قالاسىنىڭ اكىمى مۇرات ايتەنوۆ قالانىڭ قۇرىلىس الاڭدارىن ارالاۋ بارىسىندا شىمكەنت سيتي شاعىن اۋدانىنا باردى. اكىم اتالعان شاعىن اۋدانداعى «Shymkent «اكك» اق-مەن ىسكە اسىرىلىپ جاتقان «ەليت ستروي كومپاني» جشس جانە «Damdes قۇرىلىس ينۆەست» مەردىگەرلەرىنىڭ سالىپ جاتقان تۇرعىن ءۇي كەشەندەرىنىڭ قۇرىلىس الاڭىندا بولدى.
وندا 60 مىڭ شارشى مەتردى قۇرايتىن 784 پاتەردىڭ قۇرىلىسى قارقىندى ءجۇرىپ جاتىر. ۇيلەر جىل سوڭىنا دەيىن پايدالانۋعا بەرىلەدى دەپ جوسپارلانۋدا.
سونىمەن قاتار، اكىم «Shymkent «اكك» اق-نىڭ قالاداعى دەۆەلوپمەنت سەكتورىن (تۇرعىن-ءۇي كەشەندەرى، ساۋدا ورتالىقتارى) دامىتۋ ماقساتىندا اتقارىپ جاتقان جۇمىس بارىسى مەن جوسپارلارىن تىڭدادى. باسقارما توراعاسى ب.كانكيننىڭ ايتۋى بويىنشا اكك-نىڭ ينۆەستيتسيالىق قورجىنى تۇرعىن-ءۇي كەشەنىن سالۋ قۇرىلىسى سالاسىندا جالپى ينۆەستيتسيا سوماسى 400 ملرد تەڭگە بولاتىن 2025 جىلعا دەيىن 1,5 ملن. شارشى مەتر تۇرعىن ءۇيدى پايدالانۋعا بەرە وتىرىپ، 14 جوبانى قامتيدى.
سونداي-اق، قالادا سو مەن جاتاقحاناعا دا سۇرانىس بار ەكەنىن جەتكىزدى. وسىعان بايلانىستى اكك ينۆەستورلاردى تارتۋ بويىنشا ءتيىستى جۇمىستار جۇرگىزۋدە. قازىرگى ۋاقىتتا 17 الەۋەتتى ينۆەستور از قاباتتى تۇرعىن ۇيلەر، ساۋدا ورتالىقتارىن جانە جاتاقحانا قۇرىلىسى جوبالارىن جۇزەگە اسىرۋعا نيەت ءبىلدىرىپ وتىر. بۇل جوبالاردىڭ ينۆەستيتسيالىق قارجىسى 200 ملرد.تەڭگەنى قۇرايدى.
ءوز كەزەگىندە قالا اكىمى ينۆەستورلاردى وسى باعىتتا بەلسەندىلىك تانىتۋعا شاقىردى جانە ينۆەستيتسيالىق جوبالاردى ىسكە اسىرۋ بارىسىندا قانداي دا ءبىر ماسەلەلەر تۋىنداسا ءاربىر كاسىپكەردى جەكە تىڭداۋعا جانە جان-جاقتى قولداۋ كورسەتۋگە دايىن ەكەنىن ايتتى.
شىمكەنت قالاسى اكىمدىگىنىڭ ءباسپاسوز قىزمەتى
