Bügın Şymkent qalasynyŋ äkımı Mūrat Äitenov qalanyŋ qūrylys alaŋdaryn aralau barysynda Şymkent Siti şaǧyn audanyna bardy. Äkım atalǧan şaǧyn audandaǧy «Shymkent «ÄKK» AQ-men ıske asyrylyp jatqan «Elit Stroi Kompani» JŞS jäne «Damdes Qūrylys İnvest» merdıgerlerınıŋ salyp jatqan tūrǧyn üi keşenderınıŋ qūrylys alaŋynda boldy.
Onda 60 myŋ şarşy metrdı qūraityn 784 päterdıŋ qūrylysy qarqyndy jürıp jatyr. Üiler jyl soŋyna deiın paidalanuǧa berıledı dep josparlanuda.
Sonymen qatar, äkım «Shymkent «ÄKK» AQ-nyŋ qaladaǧy development sektoryn (tūrǧyn-üi keşenderı, sauda ortalyqtary) damytu maqsatynda atqaryp jatqan jūmys barysy men josparlaryn tyŋdady. Basqarma töraǧasy B.Kankinnıŋ aituy boiynşa ÄKK-nyŋ investisiialyq qorjyny tūrǧyn-üi keşenın salu qūrylysy salasynda jalpy investisiia somasy 400 mlrd teŋge bolatyn 2025 jylǧa deiın 1,5 mln. şarşy metr tūrǧyn üidı paidalanuǧa bere otyryp, 14 jobany qamtidy.
Sondai-aq, qalada SO men jataqhanaǧa da sūranys bar ekenın jetkızdı. Osyǧan bailanysty ÄKK investorlardy tartu boiynşa tiıstı jūmystar jürgızude. Qazırgı uaqytta 17 äleuettı investor az qabatty tūrǧyn üiler, sauda ortalyqtaryn jäne jataqhana qūrylysy jobalaryn jüzege asyruǧa niet bıldırıp otyr. Būl jobalardyŋ investisiialyq qarjysy 200 mlrd.teŋgenı qūraidy.
Öz kezegınde qala äkımı investorlardy osy baǧytta belsendılık tanytuǧa şaqyrdy jäne investisiialyq jobalardy ıske asyru barysynda qandai da bır mäseleler tuyndasa ärbır käsıpkerdı jeke tyŋdauǧa jäne jan-jaqty qoldau körsetuge daiyn ekenın aitty.
Şymkent qalasy äkımdıgınıŋ baspasöz qyzmetı
