نۇرسۇلتان نازارباەۆ قازاقستان حالقى اسسامبلەياسىنىڭ توراعاسى قىزمەتىنەن كەتتى. ەلباسى قحا-عا باسشىلىق ەتۋدى قازاقستاننىڭ قازىرگى پرەزيدەنتى قاسىم-جومارت توقاەۆقا تاپسىردى، دەپ حابارلايدى "ادىرنا" ۇلتتىق پورتالى.
"بارشاعا بەلگىلى بولعانداي، 2019 جىلى 19 ناۋرىزدا ساعات 19-دا مەن قازاقستان حالقىنا پرەزيدەنتتىڭ وكىلەتتىگىن توقتاتاتىنىمدى جاريالادىم. مەن بۇنى جەتكىلىكتى دەپ ساناپ باسشىلىقتى اۋىستىرۋ كەرەكتىگىن ۇقتىم. سوندىقتان بيلىكتىڭ ساباقتاستىعى تۋرالى بۇل ماسەلە 2019 جىلى شەشىلگەن ەدى. قازىرگى ءومىر بۇل قادامنىڭ دۇرىستىعىن راستادى", دەدى نازارباەۆ.
بۇگىن بۇل تاڭداۋدىڭ دۇرىس ەكەندىگى راستالدى.
"مەن ءارى قاراي جۇرگىم كەلەدى، بۇل مەن ءۇشىن ماڭىزدى قادام. مەن اسسامبلەيانىڭ باستاۋىندا تۇردىم. اسسامبلەيانىڭ بارلىق مۇشەلەرىنە قولداۋ كورسەتكەندەرى ءۇشىن راقمەت. بۇل ماڭىزدى ءىس بولدى. بىراق، وزدەرىڭىز بىلەتىندەي، مەنىڭ ءومىر بويى قحا-نى باسقارۋعا قۇقىعىم بار. مەن ءاردايىم ونىمەن بىرگە بولامىن جانە باس تارتپايمىن. بۇل رەتتە بىرقاتار وكىلەتتىكتەر ەل پرەزيدەنتىنە جۇكتەلگەن. ياعني، بارلىق سۇراقتار تەك ءبىر قولدا بولۋى كەرەك. مەن قحا-نى باسقارۋ قۇقىعىمدى قاسىم-جومارت كەمەلۇلى توقاەۆقا بەرۋ تۋرالى شەشىم قابىلدادىم", دەدى ول.
"ادىرنا" ۇلتتىق پورتالى
(فوتو elbasy.kz)
