مەملەكەت باسشىسىنىڭ تاپسىرماسىمەن 2020 جىلدىڭ 1 قاڭتارىنان باستاپ مۇعالىمدەردىڭ جالاقىسى جىل سايىن 25 پايىزعا كوتەرىلەدى. الايدا مەكتەپ ديرەكتورلارىنىڭ جالاقىسى 2015 جىلعى دەڭگەيدە قالدى. ەلوردالىق دەپۋتاتتىڭ ايتۋىنشا، بۇل ماسەلە تەز ارادا شەشىمىن تاپپاسا، سىبايلاس جەمقورلىق تاۋەكەلدەرى كوبەيۋى مۇمكىن، دەپ حابارلايدى «ادىرنا» ۇلتتىق پورتالى azattyq-ruhy-نا سىلتەمە جاساپ.
اتالعان ماسەلەنى نۇر-سۇلتان قالاسى ءماسليحاتىنىڭ دەپۋتاتى تالعات نارىكباەۆ ەلوردالىق ءبىلىم باسقارماسىنىڭ باسشىلىعىمەن كەزدەسۋ بارىسىندا كوتەردى. كەزدەسۋدە باسقارما باسشىلىعى مەملەكەتتىك مەكەمەنىڭ ۇيىمدىق-قۇقىقتىق نىسانىندا قۇرىلعان مەكتەپتەردى 2025 جىلعا دەيىن شارۋاشىلىق جۇرگiزۋ قۇقىعىنداعى مەملەكەتتiك كاسiپورىنعا اۋىستىرۋ جوسپارلانعانىن مالىمدەگەن. جاڭا ۇيىمدىق نىسان دەربەس جەدەل باسقارۋ جانە ولارعا بەرىل-گەن مەملەكەتتىك اقشالاي قاراجاتتى يەلىك ەتۋ بويىنشا وكىلەتتىكتى كەڭەيتۋگە مۇمكىندىك بە-رەدى. قازىرگى تاڭدا قالاداعى 90 مەكتەپتىڭ تەك 15-ءى عانا اۋىستىرىلدى.
«بۇل ماسەلە ءبىراز ۋاقىتتان بەرى شەشىمىن تاپپاي كەلەدى. جاقىندا ءبىلىم باسقارماسى باسشىسىمەن وتكەن كەزدەسۋ بارىسىندا تەك ءبىر ۇيىم قىزمەتكەرلەرىنىڭ ەڭبەكاقىسىن تولەۋدە سالاىشىلىك ديففەرەنتسياتسيا بار ەكەنى انىقتالدى. قازىرگى ۋاقىتتا مەكتەپ ديرەكتورىنىڭ لاۋازىمدىق جالاقىسى 180 000 تەڭگەنى، باس بۋحگالتەردىڭ لاۋازىمدىق جالاقىسى 112 000 تەڭگەنى قۇرايدى. ال مۇعالىمدەردىڭ جالاقىسى 450 مىڭ تەڭگەدەن 600 مىڭ تەڭگەگە دەيىن جەتەدى»، - دەپ جازادى ول ءوزىنىڭ Facebook-پاراقشاسىندا.
دەپۋتاتتىڭ ايتۋىنشا، ەگەر ماسەلە تەز ارادا شەشىلمەسە، ەلىمىزدە سىبايلاس جەمقورلىق تاۋەكەلدەرىنىڭ ارتۋىنا الىپ كەلەدى. سونداي-اق، بىلىكتى ماماندار تومەن جالاقى ءۇشىن جاۋاپكەرشىلىگى مول قىزمەتكە بارعىسى كەلمەيدى.
«مەنىڭ ويىمشا، ەگەر بۇل ماسەلەنىڭ شەشىمىن قازىر تاپپاساق، سىبايلاس جەمقورلىق تاۋەكەلى ايتارلىقتاي ارتادى. بىرىنشىدەن، مۇعالىمدەر مەن مەكتەپ اكىمشىلىگى اراسىنداعى جالاقى ايىرماشىلىعى ءسوزسىز اكىمشىلىك رەسۋرستاردى پايدالانۋعا يتەرمەلەيدى. ەكىنشىدەن، باسەكەگە قابىلەتتى مەنەدجەرلەر قازىرگىدەي جالاقىعا مەكتەپتە جۇمىس ىستەگىسى كەلمەيدى. ۇشىنشىدەن، تومەن جالاقى ءۇشىن جۇمىس ىستەۋگە كەلىسەتىن بىلىكسىز باسقارۋشىلار مەكەمەنىڭ قىزمەتىن ساپالى جۇرگىزە المايدى، ونىڭ ىشىندە – قىزمەتكەرلەردى كاسىبي تۇرعىدا جۇمىسقا قابىلداي المايدى. ناتيجەسىندە، تاربيە مەن وقىتۋ پروتسەسى ساپاسىز جۇرگىزىلەدى، بۇل مەكتەپ تۇلەكتەرىنىڭ بىلىكتىلىك دەڭگەيىنىڭ تومەندەۋىنە اكەلىپ سوقتىرادى»، - دەيدى تالعات نارىكباەۆ.
ءماسليحات دەپۋتاتى قازاقستان رەسپۋبليكاسىنىڭ قولدانىستاعى نورماتيۆتىك اكتىلەرىن تالداۋدىڭ، «قازاقستاندىق سالالىق ءبىلىم جانە عىلىم قىزمەتكەرلەرىنىڭ كاسىپتىك وداعى» قب باسشىلىعىمەن كەزدەسۋدىڭ قورىتىندىسى بويىنشا ءبىلىم باسقارماسىنا بۇل ماسەلەنى شەشۋدىڭ جولىن ۇسىندى.
«ءبىز بۇل ماسەلەنى نۇر-سۇلتان قالاسىنىڭ ءبىلىم باسقارماسى مەن نۇر-سۇلتان قالاسىنىڭ «ادىلەت» ءبىلىم بەرۋ قىزمەتكەرلەرىنىڭ كاسىپتىك وداعى اراسىندا وڭىرلىك دەڭگەيدەگى الەۋمەتتىك ارىپتەستىك تۋرالى كەلىسىم جاساسۋ ارقىلى شەشۋدى ۇسىنامىز. بۇل جەرگىلىكتى بيۋدجەتتەن لاۋازىمدىق جالاقى سوماسىنا قوسىمشا 30-دان 50%-عا دەيىن قاراجات ءبولىپ، اتالعان ماسەلەنى شەشكەن جامبىل وبلىسىنىڭ مىسالىندا ەلوردامىزدىڭ ءبىلىم بەرۋ سالاسى قىزمەتكەرلەرىنىڭ جاعدايىن جاقسارتۋعا مۇمكىندىك بەرەدى»، - دەلىنگەن جازبادا.
دەپۋتات كاسىپوداقپەن بىرلەسىپ، نۇر-سۇلتان قالاسىنىڭ اكىمى ا.س.كولگىنوۆتىڭ اتىنا ءبىلىم بەرۋ مەكەمەلەرىنىڭ اكىمشىلىك-قوسالقى پەرسونالىنىڭ جالاقىسىن ارتتىرۋ جونىندەگى ۇسىنىستى قاراۋىن ءوتىنىپ، حات جولدادى.
