Memleket basşysynyŋ tapsyrmasymen 2020 jyldyŋ 1 qaŋtarynan bastap mūǧalımderdıŋ jalaqysy jyl saiyn 25 paiyzǧa köterıledı. Alaida mektep direktorlarynyŋ jalaqysy 2015 jylǧy deŋgeide qaldy. Elordalyq deputattyŋ aituynşa, būl mäsele tez arada şeşımın tappasa, sybailas jemqorlyq täuekelderı köbeiuı mümkın, dep habarlaidy «Adyrna» ūlttyq portaly azattyq-ruhy-na sılteme jasap.
Atalǧan mäselenı Nūr-Sūltan qalasy mäslihatynyŋ deputaty Talǧat Närıkbaev elordalyq bılım basqarmasynyŋ basşylyǧymen kezdesu barysynda köterdı. Kezdesude basqarma basşylyǧy memlekettık mekemenıŋ ūiymdyq-qūqyqtyq nysanynda qūrylǧan mektepterdı 2025 jylǧa deiın şaruaşylyq jürgizu qūqyǧyndaǧy memlekettik käsiporynǧa auystyru josparlanǧanyn mälımdegen. Jaŋa ūiymdyq nysan derbes jedel basqaru jäne olarǧa berıl-gen memlekettık aqşalai qarajatty ielık etu boiynşa ökılettıktı keŋeituge mümkındık be-redı. Qazırgı taŋda qaladaǧy 90 mekteptıŋ tek 15-ı ǧana auystyryldy.
«Būl mäsele bıraz uaqyttan berı şeşımın tappai keledı. Jaqynda bılım basqarmasy basşysymen ötken kezdesu barysynda tek bır ūiym qyzmetkerlerınıŋ eŋbekaqysyn töleude salaışılık differensiasiia bar ekenı anyqtaldy. Qazırgı uaqytta mektep direktorynyŋ lauazymdyq jalaqysy 180 000 teŋgenı, bas buhgalterdıŋ lauazymdyq jalaqysy 112 000 teŋgenı qūraidy. Al mūǧalımderdıŋ jalaqysy 450 myŋ teŋgeden 600 myŋ teŋgege deiın jetedı», - dep jazady ol özınıŋ Facebook-paraqşasynda.Deputattyŋ aituynşa, eger mäsele tez arada şeşılmese, elımızde sybailas jemqorlyq täuekelderınıŋ artuyna alyp keledı. Sondai-aq, bılıktı mamandar tömen jalaqy üşın jauapkerşılıgı mol qyzmetke barǧysy kelmeidı.
«Menıŋ oiymşa, eger būl mäselenıŋ şeşımın qazır tappasaq, sybailas jemqorlyq täuekelı aitarlyqtai artady. Bırınşıden, mūǧalımder men mektep äkımşılıgı arasyndaǧy jalaqy aiyrmaşylyǧy sözsız äkımşılık resurstardy paidalanuǧa itermeleidı. Ekınşıden, bäsekege qabılettı menedjerler qazırgıdei jalaqyǧa mektepte jūmys ıstegısı kelmeidı. Üşınşıden, tömen jalaqy üşın jūmys ısteuge kelısetın bılıksız basqaruşylar mekemenıŋ qyzmetın sapaly jürgıze almaidy, onyŋ ışınde – qyzmetkerlerdı käsıbi tūrǧyda jūmysqa qabyldai almaidy. Nätijesınde, tärbie men oqytu prosesı sapasyz jürgızıledı, būl mektep tülekterınıŋ bılıktılık deŋgeiınıŋ tömendeuıne äkelıp soqtyrady», - deidı Talǧat Närıkbaev.Mäslihat deputaty Qazaqstan Respublikasynyŋ qoldanystaǧy normativtık aktılerın taldaudyŋ, «Qazaqstandyq salalyq bılım jäne ǧylym qyzmetkerlerınıŋ käsıptık odaǧy» QB basşylyǧymen kezdesudıŋ qorytyndysy boiynşa Bılım basqarmasyna būl mäselenı şeşudıŋ jolyn ūsyndy.
«Bız būl mäselenı Nūr-Sūltan qalasynyŋ bılım basqarmasy men Nūr-Sūltan qalasynyŋ «Ädılet» Bılım beru qyzmetkerlerınıŋ käsıptık odaǧy arasynda öŋırlık deŋgeidegı äleumettık ärıptestık turaly kelısım jasasu arqyly şeşudı ūsynamyz. Būl jergılıktı biudjetten lauazymdyq jalaqy somasyna qosymşa 30-dan 50%-ǧa deiın qarajat bölıp, atalǧan mäselenı şeşken Jambyl oblysynyŋ mysalynda elordamyzdyŋ bılım beru salasy qyzmetkerlerınıŋ jaǧdaiyn jaqsartuǧa mümkındık beredı», - delıngen jazbada.Deputat Käsıpodaqpen bırlesıp, Nūr-Sūltan qalasynyŋ äkımı A.S.Kölgınovtıŋ atyna bılım beru mekemelerınıŋ äkımşılık-qosalqy personalynyŋ jalaqysyn arttyru jönındegı ūsynysty qarauyn ötınıp, hat joldady.
