قاراجالدا كامەلەتكە تولماعان قىز جوعالىپ كەتتى. ول قاراۋسىز قالعان ۇيدەن تابىلدى، قاسىندا بوتەن ەر ادام بولعان، دەپ حابارلايدى zakon.kz.
26 ساۋىردە ساعات 22.26-دا قاراجال قالاسىنىڭ پوليتسيا بولىمىنە ءبىر ايەلدەن كامەلەتكە تولماعان قىزىنىڭ جوعالعانى تۋرالى شاعىم ءتۇستى، - دەپ حابارلادى قاراعاندى وبلىسى بويىنشا پد ءباسپاسوز قىزمەتى.
قاراۋسىز قالعان ۇيلەردى شارلاۋ كەزىندە 55 جاستاعى قالا تۇرعىنى انىقتالىپ، ۇستالدى، ونىڭ جانىندا جاس قىز بولعان.
بۇل فاكت بويىنشا قىلمىستىق ءىس قوزعالدى.
جەدەل-تەرگەۋ شارالارى جۇرگىزىلۋدە. ءتيىستى ساراپتامالار تاعايىندالدى.
ۇستالعان ادام ۋاقىتشا ۇستاۋ يزولياتورىنا قامالدى.
ەستەرىڭىزگە سالا كەتەيىك، بۇعان دەيىن وسىنداي فاكت ساتباەۆ قالاسىندا بولعان ەدى. بەس جاسار ءسابيدى كورشىسى ۇرلاپ اكەتكەن. بارلىق قالا تۇرعىندارى ونى ىزدەدى. بالا ەر ادامنىڭ پاتەرىنەن تابىلعان. كۇدىكتى ۋاقىتشا ۇستاۋ يزولياتورىنا قامالدى.
