ميى شايقالعان: بالانىڭ ۇستىنە ۇلكەن ءمۇسىن قۇلاپ، جاراقات العان

844
الماتى قالاسىنىڭ ويىن-ساۋىق ورتالىقتارىنىڭ بىرىندە كىشكەنتاي بالانىڭ ۇستىنە دۇرىس ورناتىلماعان ۇلكەن ءمۇسىن قۇلادى. بالانىڭ ميى شايقالىپ، جاراقات العان. جۇكتى اناسى دا شوك العان. بۇل تۋرالى الەۋمەتتىك جەلى قولدانۋشىسى باقىتجان بازاربەك ەسىمدى ازامات جازبا جاريالادى، دەپ حابارلايدى "ادىرنا" ۇلتتىق پورتالى. 
جەلى قولدانۋشىسى ءمۇسىننىڭ تەك سكوتچپەن عانا ورناتىلعانىن ايتتى.

"بۇگىن الماتىداعى "مەگا" ويىن-ساۋىق ورتالىعىندا دوسىمنىڭ ۇلىنىڭ ۇستىنە ۇلكەن ويىنشىق ءمۇسىنى قۇلاپ كەتتى. ۇلكەن ءمۇسىن بار بولعانى سكوتچقا جابىستىرىلعان. بالانىڭ ميى شايقالىپ، جاراقات الدى. سونىمەن قاتار جۇكتىلىگىنە توعىز اي بولعان بالانىڭ اناسى شوك الىپ قالدى. ءبىز سوتقا جۇگىنەتىن بولامىز", - دەپ جازدى ول.

ويىن-ساۋىق ورتالىعىنىڭ ءباسپاسوز قىزمەتى ءالى بۇل وقيعاعا بايلانىستى تۇسىنىك بەرمەدى.

پىكىرلەر
رەداكتسيا تاڭداۋى