Almaty qalasynyŋ oiyn-sauyq ortalyqtarynyŋ bırınde kışkentai balanyŋ üstıne dūrys ornatylmaǧan ülken müsın qūlady. Balanyŋ miy şaiqalyp, jaraqat alǧan. Jüktı anasy da şok alǧan. Būl turaly äleumettık jelı qoldanuşysy Baqytjan Bazarbek esımdı azamat jazba jariialady, dep habarlaidy "Adyrna" ūlttyq portaly.
Jelı qoldanuşysy müsınnıŋ tek skotchpen ǧana ornatylǧanyn aitty.
"Bügın Almatydaǧy "Mega" oiyn-sauyq ortalyǧynda dosymnyŋ ūlynyŋ üstıne ülken oiynşyq müsını qūlap kettı. Ülken müsın bar bolǧany skotchqa jabystyrylǧan. Balanyŋ miy şaiqalyp, jaraqat aldy. Sonymen qatar jüktılıgıne toǧyz ai bolǧan balanyŋ anasy şok alyp qaldy. Bız sotqa jügınetın bolamyz", - dep jazdy ol.Oiyn-sauyq ortalyǧynyŋ baspasöz qyzmetı älı būl oqiǧaǧa bailanysty tüsınık bermedı.
