Qytaı men Iran saıası-dıplomatııalyq, saıası-ekonomıkalyq, qorǵanys salasy men mádenıet sala boıynsha 20 túrli baǵytta 25 jylǵa uzaq merzimdi strategııalyq seriktestikke qol qoıdy. Bul jaıynda INTERFAX portaly habarlady. Resmı kezdesý Irannyń astanasy Tegerenda ótti. Onda Iran men Qytaıdyń SIM Djavad Zarıf pen Van I kezdesip, strategııalyq áriptestik jónindegi qujattardy bekitti.
Iran men Qytaıdyń jaqyn áriptestigi Reseıdiń de kári qurlyqtaǵy saıası ári áskerı yqpalyn qulatýǵa sebepshi bolyp otyr. Iran keshe ǵana Reseıdiń bombalaýshy ushaqtaryn satyp alýdan bas tartyp, Qytaıdyń Chengdu J-10 bombalaýshy ushaǵyn alýǵa qyzyǵýshylyq tanytýda. Muny Avia agenttigi habarlady. Sonymen qatar Qytaı tarapy Iranǵa koronavırýsqa qarsy vakınasyn da satatyn boldy.
Osy jyly Iran sankııalardan bosatylǵanda Reseı Iranǵa óziniń bombalaýshy ushaqtaryn satatyn bolyp kelisken. Biraq Reseıdiń bul oıy iske aspady. Al, Iran bolsa Qytaıdyń Chengdu J-10 bombalaýshy ushaǵynyń 36 danasyn satyp alyp, Qytaıǵa óziniń munaıyn eksporttaıtyn bolyp kelisti. Osy joly bir dıktator ekinshi dıktatordy mańyna tartyp, úshinshi dıktatordy yǵystyrdy.
Halyqaralyq saıası arenada qazir Reseıdiń jaqtaýshysy da, maqtaýshysy da joq, jalǵyz ózi qaldy. Saıası mádenıetten mahrum Jırınovskıılerin saıratyp qoıýdy maqtan kóretin Pýtınnen endi Sı zınpı men Hasan Rýhanı sııaqty dıktatorlar da alystap bara jatqan sııaqty.
Bekbolat QARJAN,
"Adyrna" ulttyq portaly
