Qytai men İran saiasi-diplomatiialyq, saiasi-ekonomikalyq, qorǧanys salasy men mädeniet sala boiynşa 20 türlı baǧytta 25 jylǧa ūzaq merzımdı strategiialyq serıktestıkke qol qoidy. Būl jaiynda INTERFAX portaly habarlady. Resmi kezdesu İrannyŋ astanasy Tegerenda öttı. Onda İran men Qytaidyŋ SIM Djavad Zarif pen Van İ kezdesıp, strategiialyq ärıptestık jönındegı qūjattardy bekıttı.
İran men Qytaidyŋ jaqyn ärıptestıgı Reseidıŋ de kärı qūrlyqtaǧy saiasi ärı äskeri yqpalyn qūlatuǧa sebepşı bolyp otyr. İran keşe ǧana Reseidıŋ bombalauşy ūşaqtaryn satyp aludan bas tartyp, Qytaidyŋ Chengdu J-10 bombalauşy ūşaǧyn aluǧa qyzyǧuşylyq tanytuda. Mūny Avia agenttıgı habarlady. Sonymen qatar Qytai tarapy İranǧa koronavirusqa qarsy vaksinasyn da satatyn boldy.
Osy jyly İran sanksiialardan bosatylǧanda Resei İranǧa özınıŋ bombalauşy ūşaqtaryn satatyn bolyp kelısken. Bıraq Reseidıŋ būl oiy ıske aspady. Al, İran bolsa Qytaidyŋ Chengdu J-10 bombalauşy ūşaǧynyŋ 36 danasyn satyp alyp, Qytaiǧa özınıŋ mūnaiyn eksporttaityn bolyp kelıstı. Osy joly bır diktator ekınşı diktatordy maŋyna tartyp, üşınşı diktatordy yǧystyrdy.
Halyqaralyq saiasi arenada qazır Reseidıŋ jaqtauşysy da, maqtauşysy da joq, jalǧyz özı qaldy. Saiasi mädenietten mahrūm Jirinovskiilerın sairatyp qoiudy maqtan köretın Putinnen endı Si Szinpi men Hasan Ruhani siiaqty diktatorlar da alystap bara jatqan siiaqty.
Bekbolat QARJAN,
"Adyrna" ūlttyq portaly
Ūqsas jaŋalyqtar
