الماتى وبلىسىندا باستاۋىش پارتيا ۇيىمدارىنىڭ جيىنى ءوتتى

944

«Nur Otan» پارتياسىنىڭ الماتى وبلىسى بويىنشا باستاۋىش پارتيا ۇيىمدارىنىڭ كەزەكتى جينالىسى ءوتتى.

الماتى وبلىسىندا «Nur Otan» پارتياسىنىڭ 86 866 پارتيا مۇشەسىن ءبىر ارناعا توعىستىرعان 316 باستاۋىش پارتيا ۇيىمى بار. ونىڭ قۇرامىنا 2555 پارتيالىق توپ كىرەدى.

سونىڭ ءبىرى - قاراساي اۋدانىنداعى «شامالعان» باستاۋىش پارتيا ۇيىمى. قۇرامىندا 692 پارتيا مۇشەسى بار. باستاۋىش ۇيىم 2 جىل كولەمىندە اتقارعان جۇمىستارىن قورىتىندىلاپ، بپۇ-نىڭ توراعاسى مەن ورىنباسارىن سايلاپ، اۋداندىق كونفەرەنتسيا قۇرامىنا دەلەگاتتاردى انىقتادى.

ناقتىراق ايتساق، بپۇ-نىڭ كۇن تارتىبىندە باستاۋىش پارتيا ۇيىمى توراعاسىنىڭ 2019-2020 جىلداردا اتقارعان جۇمىسى تۋرالى ەسەبى، باستاۋىش پارتيا ۇيىمىنىڭ توراعاسىن، بپۇ-نىڭ بيۋرو مۇشەلەرىن سايلاۋ، «Nur Otan» پارتياسى قاراساي اۋداندىق فيليالىنىڭ كەزەكتەن تىس XXXI ەسەپ بەرۋ-سايلاۋ كونفەرەنتسياسىنا دەلەگات سايلاۋ ماسەلەلەرى قارالدى.

باستاۋىش پارتيا ۇيىمى توراعاسىنىڭ 2019-2020 جىلداردا اتقارعان جۇمىسى تۋرالى «شامالعان» باستاۋىش پارتيا ۇيىمىنىڭ توراعاسى ەرجاس توقتاسىنوۆ بايانداپ ءوتتى. كۇن تارتىبىندەگى ەكىنشى ماسەلە بويىنشا «Nur Otan» پارتياسى جارعىسىنىڭ 9.6 تارماعىنا سايكەس شامالعان باستاۋىش پارتيا ۇيىمىنىڭ بيۋرو مۇشەلەرىن، ودان ءارى توراعاسى مەن ورىنباسارى سايلاندى. ءۇشىنشى ماسەلە قاراساي اۋداندىق پارتيا فيليالىنىڭ ءXXحى ەسەپ بەرۋ-سايلاۋ كونفەرەنتسياسىنا بايلانىستى قاراساي اۋداندىق پارتيا فيليالىنىڭ كۆوتاسى بويىنشا اتالعان بپۇ-نان 10 دەلەگات سايلاندى. دەلەگاتتار وكىلەتتىلىگى اۋداندىق پارتيا فيليالىنىڭ ساياسي كەڭەس بيۋرو وتىرىسىندا قارالىپ، شەشىم قابىلدانادى.

بپۇ-نىڭ جيىندارى اياقتالعان سوڭ 20 اۋدان-قالالىق پارتيا فيليالدارىنىڭ ەسەپ-بەرۋ سايلاۋ كونفەرەنتسيالارى جوسپارلانعان. ودان كەيىن 13 مامىر كۇنى وبلىستىق پارتيا فيليالىنىڭ ەسەپ-بەرۋ سايلاۋ كونفەرەنتسياسى وتەدى.

پىكىرلەر
رەداكتسيا تاڭداۋى