وڭتۇستىك استانانىڭ ىرگەسىندەگى «Mall Aport» ساۋدا، ويىن-ساۋىق ورتالىعىنىڭ اۋماعىنا قويىلعان جارىلعىش زات تۋرالى اقپارات جالعان بولىپ شىقتى.
ەسكە سالساق، 23 ءساۋىر كۇنى ساعات 10-دا قاراساي اۋدانىندا ورنالاسقان «Mall Aport» اۋماعىنا قويىلعان جارىلعىش زات تۋرالى ءانونيمدى اقپار كەلىپ تۇسكەن ەدى.
- وسى ۋاقىت ارالىعىندا وقيعا ورنىندا ازاماتتاردىڭ قاۋىپسىزدىگىن قامتاماسىز ەتكەن پوليتسەيلەر، ساپەرلەر مەن شۇعىل قىزمەت ماماندارى جۇمىس ىستەدى. جۇرگىزىلگەن تەكسەرىس ناتيجەسىندە جارىلعىش زات تابىلمادى. اقپارات جالعان بولىپ شىقتى. قازىرگى كەزدە قازاقستان رەسپۋبليكاسى قىلمىستىق كودەكسىنىڭ 273-بابى «كورىنەۋ جالعان اقپارات» فاكتىسى بويىنشا قىلمىستىق ءىس قوزعالدى، جالعان اقپارات تاراتۋشىلاردى انىقتاۋ جانە ۇستاۋعا قاتىستى جەدەل شارالار جۇرگىزىلۋدە، - دەپ حابارلادى الماتى وبلىسى پوليتسيا دەپارتامەنتى وكىلدەرى. نىسان شتاتتىق رەجيمدە جۇمىس ىستەۋدە.
