مەكتەپ اۋماعىندا جارىلماعان 2116 سناريادتار تابىلدى، دەپ حابارايدى “ادىرنا” ءتىلشىسى قازاقپارات سىلتەپ.
كامبودجا ەلىندە مينالاردان تازارتۋ ورتالىعىنىڭ ماماندارى سولتۇستىك-شىعىس كراتە پروۆينتسياسىندا مەكتەپ قالاشىعىنىڭ اۋماعىنا سوعىس كەزىندە كومىلگەن جارىلماعان سوعىس سناريادتارىن تاپقان. بۇل زاتتار مەكتەپ اۋلاسىن كەڭەيتۋ جۇمىستارىن جۇرگىزۋ كەزىندە تابىلىپ وتىر. الايدا ايماقتا ءالى دە جارىلعىش زاتتار سانى كوپ ەكەن. سايكەسىنشە تولىق زالالسىزداندىرۋ جۇمىستارى اياقتالعانشا مەكتەپ بىرنەشە كۇنگە ۋاقىتشا جابىلماق.
كامبودجا مينالار مەن سوعىس قالدىقتارىنان ەڭ كوپ زارداپ شەككەن ەل قاتارىندا.
ءتىپتى 30 جىل وتسە دە اقش سناريادتارى مەملەكەت تۇرعىندارىنا قاۋىپ ءتوندىرىپ كەلەدى. وتكەن جىلى جارىلعىش سناريادتاردان 40-قا جۋىق تۇرعىن قايتىس بولعان.
ۇقساس جاڭالىقتار
