2021 جىلدىڭ 19-23 ءساۋىر ارالىعىندا قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا اكادەمياسىنىڭ «تاۋلى قىرات» شەكارالىق باقىلاۋدى تەكسەرۋ پوليگونىندا بىرىككەن ۇلتتار ۇيىمى ەسىرتكى جانە قىلمىس باسقارماسى ورتالىق ازيا مەملەكەتتەرى ءۇشىن «ترانسۇلتتىق ۇيىمداسقان قىلمىسقا، ەسىرتكىنىڭ زاڭسىز اينالىمىنا جانە تەرروريزمنىڭ الدىن الۋعا قارسى كۇرەس» باعدارلاماسى اياسىندا ءدارىس وقىدى.
وسىعان وراي ترانسشەكارالىق ىنتىماقتاستىقتى نىعايتۋ جونىندە جاپونيا ۇكىمەتىنىڭ قارجىلىق قولداۋىمەن مەملەكەتتىك شەكارا ارقىلى وتكىزىلەتىن كولىك قۇرالدارىنا، پويىزدارعا، جۇكتەر مەن تاۋارلارعا قاتىستى تەكسەرۋ وپەراتسيالارىن جۇرگىزۋ كەزىندە باقىلاۋدىڭ قازىرگى زامانعى ادىستەرى بويىنشا وڭىرلىك وقۋ كۋرسى ۇيىمداستىرىلدى.
وعان ەلىمىزدىڭ ءار وڭىرىندە ورنالاسقان دەپارتامەنتتەرىنە قاراستى شەكاراشى باقىلاۋشىلار مەن قارجى مينيسترلىگى كىرىس كوميتەتىنىڭ وكىلدەرى جانە ورتالىق ازيا مەملەكەتتەرى ( قىرعىزستان، تاجىكستان، تۇرىكمەنستان جانە وزبەكستان ) اۆتومابيل جانە تەمىرجول وتكىزۋ پۋنكتەرىنىڭ شەكارا جانە كەدەن قىزمەتتەرىنىڭ ورتا بۋىن قۇقىق قورعاۋ ورگاندارىنىڭ قىزمەتكەرلەرى شاقىرىلدى.
اتالمىش شارا ەلىمىزدەگى پاندەميالىق جاعدايعا بايلانىستى ارالاس فورماتتا جۇزەگە استى. اتاپ ايتقاندا، ZووM پلاتفورماسى ارقىلى ونلاين رەجيمىندە قوسىلاتىندار ءۇشىن قاشىقتىقتان وقىتىلدى.
شارا بارىسىندا، شەكاراشىلار مەن كەدەنشىلەر شەكارالىق باقىلاۋ كافەدراسىنىڭ زاماناۋي ۇلگىدە بوي كوتەرگەن جاڭا عيماراتتارىن ارالادى.
بەس كۇنگە سوزىلعان وقۋ كۋرسى باسقا دا ەلدەر اراسىنداعى ترانسشەكارالىق ىنتىماقتاستىق جانە اقپارات الماسۋ، سونداي-اق اۆتومابيل كولىك قۇرالدارىن، جۇكتەر مەن پويىزداردى تەكسەرۋ كەزىندەگى باقىلاۋدىڭ زاماناۋي ادىستەرى سياقتى تاقىرىپتاردى قامتىدى.
وقۋ كۋرسىن لاتۆيا رەسپۋبليكاسىنىڭ كەدەندىك ساراپشىسى لاۋريس كريۆانس پەن شەكارا اكادەمياسى شەكارالىق باقىلاۋ كافەدراسىنىڭ پروفەسسورلىق-وقىتۋشىلىق قۇرامى وتكىزدى. وقىتۋ كومانداسى مەملەكەتتىك شەكارا ارقىلى وتكىزۋ پۋنكتتەرىندەگى تاۋەكەلدەردى باسقارۋ جۇيەسى بويىنشا تەوريالىق جانە تاجىريبەلىك ساباقتارعا تەرەڭىرەك توقتالدى.
بۇل وقۋ كۋرسىن وتكىزۋدەگى نەگىزگى ماقسات - شەكارالىق باقىلاۋ بەكەتتەرىنىڭ فۋنكتسيالارىن جۇرگىزۋ كەزىندە سىن-قاتەرلەرگە ءتيىمدى دەن قويۋ جانە ترانسشەكارالىق قىلمىسقا قارسى كۇرەستە الەۋەتتى دامىتۋ ءۇشىن قاجەتتى ءبىلىم بەرۋ جانە ولاردىڭ داعدىلارىن ارتتىرۋ بولىپ تابىلادى.
جانات جابىربەكوۆ,
قر ۇقك شەكارا اكادەمياسىنىڭ
ءباسپاسوز حاتشىسى
