ەلوردالىق ۋنيۆەرسيتەتتە «Readability of Law» جوباسى باستالدى. اتالعان جوبا اياسىندا ۋنيۆەرسيتەت پروفەسسورلارى قر كۇشىندەگى زاڭداردىڭ تۇسىنىكتى جانە وقۋعا ىڭعايلىلىعى بويىنشا پروبلەمالاردى زەرتتەيدى. بۇل تۋرالى M.S. Narıkbaev atyndaģy KAZGUU Unıversıteti-ءنىڭ باسقارما توراعاسى تالعات نارىكباەۆ حالىقارالىق كونفەرەنتسيا بارىسىندا ايتتى، دەپ حابارلايدى «ادىرنا» ۇلتتىق پورتالى M.S.Narıkbaev atyndaģy KAZGUU Unıversıteti-ءنىڭ ءباسپاسوز قىزمەتىنە سىلتەمە جاساپ.
«وزبەكستاندا زاڭ عىلىمىن دامىتۋ جانە زاڭ شىعارۋ قىزمەتىن جەتىلدىرۋدىڭ وزەكتى ماسەلەلەرى» تىقىرىبىنداعى عىلىمي-پراكتيكالىق كونفەرەنتسياسى زاڭ عىلىمىن دامىتۋ ءۇشىن پراكتيكالىق شارالاردى قابىلداۋ، زاڭ شىعارۋدى جەتىلدىرۋ جانە پارلامەنتتىڭ تىكەلەي ارەكەت ەتۋشى زاڭداردى قابىلداۋدا ادىستەمەلىك نەگىزدەرىن كۇشەيتۋ ماقساتىندا وتكىزىلدى.
«ۋنيۆەرسيتەتىمىزدە پروفەسسورلار قر قولدانىستاعى زاڭداردىڭ قابىلداۋ جانە وقۋعا جەڭىلدىگى ماسەلەسىن قاراستىراتىن «Readability of Law» جوباسىن باستادى. ءبىزدىڭ بولجام بويىنشا، بيلىك كەيدە تەرمينولوگيانى ادەيى قيىنداتادى جانە زاڭ ەرەجەلەرىن الدەقايدا قاراپايىم، تۇسىنىكتى جانە اشىق ەتىپ جەتكىزۋگە بولاتىن تۇستارىندا زاڭدى كونسترۋكتسيالاردى شامادان تىس قولدانادى»، - دەدى تالعات نارىكباەۆ.
سونداي-اق سپيكەر قر-نىڭ ادىلەت مينيسترلىگى زاڭ جوبالارىن ازىرلەۋ بارىسىندا ۇلىبريتانيا تاجىريبەسىنە سۇيەنە وتىرىپ، «جاسىل» جانە «اق» كىتاپ مەحانيزمدەرىن ەنگىزۋدى، ياعني زاڭ شىعارۋ قىزمەتىندە زاڭدى ماتىندەردىڭ تۇسىنىكتى جازىلۋىنان باستاپ پروبلەمالاردى تالقىلاۋعا دەيىنگى فورمانىڭ وزگەرۋىن، بۇل پروتسەسكە قوعام مەن ساراپشىلاردىڭ كوبىرەك قاتىسۋىن قامتاماسىز ەتۋدى جوسپارلاپ وتىرعانىن اتاپ ءوتتى.
