بۇرىنعى مادەنيەت جانە سپورت ءمينيسترى، قر ۇلتتىق مۋزەيىنىڭ ديرەكتورى ارىستانبەك مۇحامەديۇلى كەنەسارىنىڭ باسى تابىلدى دەگەن اقپاراتقا قاتىستى ويىن ايتتى.
«نەگىزى تاريحي دەرەكتەرگە وتە مۇقيات بولۋ كەرەك. قاتەلەسۋ تۇك تە ەمەس. بىراق ونى ىزدەۋ كەرەك. كەنەسارىنىڭ باسىن ىزدەۋگە ەگەمەندىك العاننان كەيىن كوپتەگەن ازاماتتارىمىز اتسالىستى. كەنەسارى اتامىزدىڭ باسىن قايتارۋ ءار قازاقتىڭ ارمانى. مىسالى ونى ىزدەۋشىلەردىڭ ىشىندە مەن دە بولدىم. تابىلۋ كەرەك. بىراق اسىعىستىقتىڭ قاجەتى جوق. بىزدە تاريحتا ونداي ءجيى كەزدەسەدى. وزدەرىڭىز بىلەسىزدەر، ءامىر تەمىردىڭ قابىرىن اشقان كەزدە سوعىس باستالىپ، قابىرىن قالاي جاپتى سوعىس اياقتالدى. نەگىزى ارينە حالىققا ءۇمىت كەرەك. بىراق مەنىڭ كوزقاراسىم بويىنشا، حالىق ءوزى ۇمتىلۋى كەرەك. ءبارىمىز ەشقانداي جۇمىس ىستەمەي، كەنەسارىنىڭ باسى كەلسە، بۇكىل قازاقستان گۇلدەيدى دەگەن ارينە ەرتەگى»، - دەدى ارىستانبەك مۇحامەديۇلى قاسقا جول" باعدارلاماسىنا بەرگەن سۇحباتىندا.
"ادىرنا" ۇلتتىق پورتالى
